دلیپ کمارکی طبیعت بہتر، فنکاروں سے ملاقاتیں شروع کردیں

بدھ 25 جون 2014 16:47

لاہور(اُردو پوائنٹ تازہ ترین اخبار۔ 25جون 2014ء)برصغیرپاک وہند کے عظیم اداکاردلیپ کمار نے طبعیت میں بہتری کے بعد اپنے قریبی عزیزواقارب اورفلم انڈسٹری کے معروف فنکاروں سے ملاقاتیں شروع کردیں۔ دلیپ کمار کی اہلیہ اورماضی کی معروف اداکارہ سائرہ بانو نے بتایاکہ یہ سب اللہ کی خاص کرم نوازی ہے کہ دلیپ کمار ( یوسف خان ) کی طبعیت اب بہتر اچھی ہے۔

دنیا بھرمیں دلیپ کمار کے پرستاروں کی کثیرتعداد جہاں فون کالز کے ذریعے ان کے لیے نیک تمناؤں کے پیغام بھجوارہی ہیں وہیں خطوط اورخصوصی کارڈز بھی بذریعہ پوسٹ وصول ہورہے ہیں۔ وہ اپنے قریبی عزیزواقارب، دوست احباب سے ملاقات بھی کررہے ہیں جب کہ دنیا کے بیشترممالک سے اپنے پرستاروں کی فون کالز کاجواب بھی دے رہے ہیں۔

(جاری ہے)

ڈاکٹروں کی جانب سے ملنے والی ہدایت کے مطابق ہم انھیں پرہیزی کھانا اورادویات کا باقاعدگی کے ساتھ استعمال کروارہے ہیں جس کی وجہ سے اب ان کی حالت میں سُدھارآرہا ہے۔

انھوں نے بتایا کہ بالی ووڈ کے بہت سے معروف فلمی ستاروں نے بھی ان سے ملاقات کی ہے جب کہ متعدد نے فون کالز پررابطہ کرتے ہوئے ان کی مکمل صحتیابی کی دعا کے ساتھ نیک تمناؤں کااظہارکیا ہے۔ایک سوال کے جواب میں سائرہ بانو نے کہا کہ پاکستان اورخاص طورپرپشاورکا تذکرہ توہمارے گھرمیں ہوتاہی رہتاہے۔ اس لیے جب کوئی پاکستان سے فون کال آجائے تودلیپ کمار فوری طورپر پشاورکے حالات بارے ضرورمعلوم کرتے ہیں۔

Facebook Twitter Google + Share on Whatsapp

دلیپ کمارکی طبیعت بہتر، فنکاروں سے ملاقاتیں شروع کردیں

مزید اہم خبریں