آئی ڈی پیز کیلئے مؤثر انتظامات کیے جائیں، انسانی حقوق کمیشن
ہفتہ 28 جون 2014 11:28
لاہور(اُردو پوائنٹ تازہ ترین اخبار۔8 2جون 2014ء) پاکستان کمیشن برائے انسانی حقوق نے شمالی وزیرستان میں فوجی آپریشن کے نتیجے میں بے گھر ہونے والے افراد کو درپیش مشکلات اور مسائل پر تشویش کا اظہار کرتے ہوئے مطالبہ کیا ہے کہ بے گھر ہونے والے افراد کی دیکھ بھال کے لیے مؤثر انتظامات کیے جائیں۔ اس مقصد کے لیے حکام اور سول سوسائٹی کی تنظیموں کے درمیان بامقصد تعاون کو یقینی بنایا جائے، شمالی وزیرستان کے بے گھر افراد کے لیے بنوں میں قائم کیمپ کے وزیراعظم کے دورے کا خیر مقدم کرتے ہیں ، یقین ہے کہ وزیراعظم کے دورے کے دوران دی جانے والی ہدایات سے ان بدنصیب لوگوں کو درپیش مشکلات میں کمی آئے گی، جمعے کو جاری بیان میں پاکستان کمیشن برائے انسانی حقوق نے ان رپورٹوں پر سخت تشویش کا اظہار کیا، جن کے مطابق ان کیمپوں میں مقیم افراد ملنے والی امداد سے مطمئن نہیں ہیں۔
(جاری ہے)
اطلاعات کے مطابق بے گھر افراد کی بڑی تعداد نے بنوں اور دوسرے شہروں میں ذاتی طور پر رہائش گاہیں حاصل کی ہیں، ان میں سے کافی لوگوں نے پشاور میں پناہ حاصل کی، ماضی کا تجربہ بتاتا ہے کہ ان کیمپوں میں بے گھر خاندانوں کی خواتین اور بچوں کو زیادہ مشکلات کا سامنا کرنا پڑتا ہے، ان کے ساتھ خصوصی سلوک کرنے کی ضرورت ہے۔
حکام کو چاہیے کہ وہ ان کے پاس جائیں اور ان کو اس طرح امداد مہیا کریں، جس سے ان کی عزت نفس مجروح نہ ہو،کمیشن نے اپنے بیان میں مزید کہا کہ چونکہ شمالی وزیرستان ایجنسی میں پولیو کے مریضوں کی تعداد میں اضافے پر پوری دنیا کو سخت تشویش ہے، اس لیے بے گھر افراد کے معاملات سے متعلقہ حکام کے لیے لازمی ہے کہ وہ اس بات کو یقینی بنائیں کہ تمام بے گھر افراد کو پولیو سے بچائو کے قطرے پلائے جائیں گے، اس امر کو یقینی بنانے کے لیے فوری طور پر معائنہ ٹیمیں قائم کی جائیں، یہ شکایات بھی سامنے آ رہی ہیں کہ سول سوسائٹی کی تنظیموں اور میڈیا کو کیمپوں تک رسائی نہیں دی جا رہی، اس صورت حال کا فوری تدارک کیا جائے۔
مزید اہم خبریں
-
پی ٹی اے کی مجوزہ کلاس ویلیو ایڈڈ سروسز (سی وی اے ایس) لائسنس ٹیمپلیٹ پر آل پاکستان نیٹ ورک ایسوسی ایشن
-
بشریٰ بی بی کی بنی گالہ سے اڈیالہ جیل منتقلی کی درخواست دوبارہ بحال، سماعت 22 اپریل کو ہوگی
-
اڈیالہ جیل پر دہشتگردوں کے حملہ کی اطلاعات ہیں، وزارت داخلہ نے عدالت میں رپورٹ جمع کروادی
-
پاکستانی حکومت کے تحفظات پر ان کے ساتھ مل کر کام کر رہے ہیں، سوشل میڈیا پلیٹ فارم ایکس کا بیان
-
نوازشریف کہتے ہیں ہمسائے سے لڑائی نہیں کرنی، مریم نواز
-
حزب اللہ کا حملہ: متعدد اسرائیلی فوجی زخمی، چھ کی حالت نازک
-
پاکستانی حکومت کے تحفظات جاننے کی کوشش کر رہے ہیں، ایکس
-
فلسطین کی مکمل رکنیت کے لیے اقوام متحدہ میں ووٹنگ آج
-
بہادری کا مظاہرہ کرنے والے پاکستانی کے لیے آسٹریلوی شہریت
-
تمام متعلقہ وزارتیں و شعبے ان منصوبوں میں گورنمنٹ ٹو گورنمنٹ معاہدوں کے ساتھ بزنس ٹو بزنس منصوبوں پر خصوصی توجہ دیں،وزیر اعظم
-
پارلیمنٹ کا مشترکہ اجلاس،آصف زرداری کے خطاب کے دوران پی ٹی آئی اراکین کا شورشرابہ واحتجاج
-
چیلنجز پر قابو پانا نا ممکن نہیں‘ دانشمندی اور پختگی کی ضرورت ہے، صدر زرداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.