افغانستان میں خودکش حملے میں وزارت دفاع کے ترجمان سمیت 5 اعلی افسران ہلاک

بدھ 2 جولائی 2014 12:04

کابل(اُردو پوائنٹ تازہ ترین اخبار۔2جولائی 2014ء) افغان دارالحکومت کابل میں فضائیہ عملے کی بس کے قریب خود کش حملے کے نتیجے میں وزارت دفاع کے ترجمان سمیت 5 افسران ہلاک اور 4 زخمی ہوگئے ۔

(جاری ہے)

غیر ملکی خبر رساں ادارکے مطابق وزارت داخلہ کے ترجمان نے وزارت دفاع کے ترجمان جنرل ظاہر اعظمی کی ہلاکت کی تصدیق کرتے ہوئے بتایا ہے کہ دارالحکومت کابل کے مغربی علاقے میں خود کش حملے کے نتیجے میں جنرل ظاہر اعظمی سمیت فضائیہ کے 5 افسران ہلاک اور 4 زخمی ہوگئے جنہیں طبی امداد کے لئے قریبی اسپتال منتقل کردیا گیا۔

خود کش حملے کی تفصیلات بتاتے ہوئے ترجمان کا کہنا تھا کہ ملٹری عملہ معمول کے مطابق بذریعہ بس کام پر آرہا تھا کہ خودکش حملہ آور نے بس کے قریب خود کو دھماکے سے اڑا لیا جبکہ جائے وقوعہ سے حملہ آور کے اعضا اکھٹے کرتے ہوئے تحقیقات شروع کردی۔

واضح رہے کہ افغان صدارتی امیدوار عبداللہ عبداللہ کے قافلے کو 7 جون کو خود کش حملے میں 12 افراد ہلاک ہوگئے تھے جس کے بعد فضائیہ افسران پر ہونے والا یہ دوسرا بڑا حملہ ہے۔