مون سون کا دوسرا سلسلہ آئندہ ہفتے شروع ہو گا،کراچی میں بھی بارش ہوگی

جمعرات 10 جولائی 2014 15:59

اسلام آباد(اُردو پوائنٹ تاز ترین اخبار۔ 10جولائی 2014ء) محکمہ موسمیات نے مون سون بارشوں کا دوسرا سلسلہ اگلے ہفتے سے شروع ہونے کی پیش گوئی کردی ہے، بالائی علاقوں کیساتھ کراچی میں بھی بارش برسے گی ۔محکمہ موسمیات کے مطابق پاکستان سمیت جنوبی ایشیاء میں مون سون بارشیں کمزورپڑگئی ہیں اگلے چندروز کے دوران میدانی اور شمالی علاقوں میں موسم بددستور گرم ہی رہے گا۔

(جاری ہے)

شمالی علاقوں میں درجہ حرارت بڑھنے سے گلیشئرزپگھلنے کے عمل میں تیزی آئے گی اورتربیلا ڈیم میں پانی کی آمد بڑھ جائیگی محکمہ موسمیات کے مطابق اگلے ہفتے بالائی علاقوں میں مون سون بارشوں کا دوسرا سلسلہ شروع ہوجائیگا۔ کراچی سمیت زیریں سندھ میں بھی اس دوران مون سون کی بارش ہوگی ۔اگلے دو روز کے دوران راولپنڈی، اسلام آباد سمیت خطہ پوٹھوہار میں کہیں کہیں بارش کی توقع ہے۔