سعودی عرب ،بناوٹی خلیفہ ایک مرتبہ پھرکویتی شاعرہ کے ہمراہ نمودارہوگیا
جمعرات 10 جولائی 2014 18:44
جدہ (اُردو پوائنٹ تاز ترین اخبار۔ 10جولائی 2014ء) چند روز قبل سعودی عرب میں عوام اور میڈیا کی توجہ کا مرکز بننے والا ترک خلیفہ کی طرح لباس پہنے بناوٹی سلطان ایک مرتبہ پھر نمودار ہوا ہے، اب کی بار نمائشی 'بادشاہ ' اکیلے نہیں بلکہ کویتی شاعرہ نھا نبیل نے ان کے ساتھ فوٹو بنوایا ہے۔ میڈیا میں آنے والی تصویر سے یہ تاثر ابھرتا ہے کہ ترک خلیفہ کے ہمراہ ان کی ایک چہیتی بیوی کھڑی ہے۔
خیال رہے کہ خلیفہ کا لباس زیب تن کرنیوالے یہ صاحب کوئی حقیقی شخصیت نہیں بلکہ وہ مکہ مکرمہ میں کعبہ اللہ کی زیارت کیلئے داغستان سے آئے تھے۔ ان کے ملک میں عام طور پر شہری خلفاء کے لباس کو زیادہ قابل احترام خیال کرتے ہوئے اسے زیب تن کرنے میں فخر محسوس کرتے ہیں۔ شائد ان کے اس حلئے کی بھی یہی وجہ ہے۔(جاری ہے)
کویتی شاعرہ اور صحافیہ نھا نبیل نے جعلی بادشاہ سلامت کیساتھ بنوائی اور اپنی تصویر سماجی رابطے کے فوٹو شیئرنگ فورم 'انسٹا گرام' پر بھی پوسٹ کی ہے جس پر مختصر تبصرہ کرتے ہوئے لکھا ہے کہ یہ تصویر ترک ڈراموں میں اداکاری کے ذریعے بادشاہ اور اس کی ملکہ کی ڈرامائی تمثیل سے کافی مشابہت رکھتی ہے۔
خیال رہے کہ یکم رمضان المبارک کو حرم مکی میں زائرین ترک سلطان کے لباس میں ملبوس ایک شخص کو دیکھ کر مبہوت رہ گئے تھے۔ بعض نے تو موصوف کو دولت اسلامیہ عراق وشام "داعش" کا خلیفہ سمجھ لیا تھا۔ لوگوں کی توجہ کا مرکز بننے والے اس غیر ملکی درویش بادشاہ کے بارے میں جب حرم کی پولیس کو پتا چلا تو انہوں نے اسے ڈھونڈ نکالا۔اس کی حقیقت یہ سامنے آئی کہ وہ داغستان سے تعلق رکھتا ہے اور عمرہ ادائی کے بعد اس نے اپنا عام لباس پہن لیا تھا۔ پولیس کا کہنا تھا کہ انہوں نے منفرد لباس پہننے والے شہری سے کہا ہے کہ وہ ایسا لباس زیب تن کرنے سے گریز کرے جو لوگوں میں شکوک و شبہات پیدا کرنے کا باعث بنے اس کے بعد معلوم نہیں ہو سکا کہ اس نے پولیس کی ہدایت پر لباس تبدیل کیا تھا یا نہیں البتہ وہ منظر سے غائب ہو گیا تھا۔متعلقہ عنوان :
مزید بین الاقوامی خبریں
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
کیڑوں مکوڑوں والی کافی پینے سے خاتون کی جان پر بن آئی
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
-
ارجنٹائن کا انٹرپول سے ایرانی وزیر داخلہ کو گرفتار کرنے کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.