پی ایس او میں بڑے پیمانے پر تیل چوری اور ریکارڈ غائب ہونے کا انکشاف
ہفتہ 12 جولائی 2014 14:33
اسلام آباد(اُردو پوائنٹ تازہ ترین اخبار۔12جولائی 2014ء)پبلک اکائونٹس کمیٹی کی عملدرآمدکمیٹی نے پی ایس اومیں تیل کی بڑے پیمانے پر چوری اور ریکارڈ کی گمشدگی سمیت ادارے کی مجموعی کارکردگی پرسخت برہمی کا اظہار کرتے ہوئے کہاہے کہ سالانہ بڑے پیمانے پر تیل چوری کیا جاتا ہے. پبلک اکائونٹس کمیٹی کی عملدرآمدکمیٹی کا اجلاس راناافضال کی صدارت پارلیمنٹ ہائوس میں ہوا جس میں وزارت پٹرولیم کے ذیلی اداروں کے آڈٹ اعتراضات کاجائزہ لیاگیا۔
آڈٹ حکام نے کمیٹی کو بتایا کہ جگوٹ آئل ڈپوسے تیل کی ترسیل کے دوران10ہزارلیٹرتیل غائب ہواہے جس پر کمیٹی نے شدید برہمی کااظہار کرتے ہوئے کہاکہ قومی خزانے کو10 لاکھ 50 ہزار کانقصان صرف ایک چکر میں ہوتا ہے، جب پی ایس او حکام سے اس تیل کا ریکارڈمانگاگیاتوریکارڈبھی پیش نہیں کیاگیا۔(جاری ہے)
ڈی جی آئل نے کمیٹی کوبتایا کہ جگلوٹ میں ٹریکنگ سسٹم متعارف کروارہے ہیں وہاں ہمارانمائندہ بھی موجودہوتاہے جو ٹینکرز کی تصدیق بھی کرتاہے۔
پی اے سی نے ہدایت کی کہ تیل کی چوری روکنے کیلیے مانیٹرنگ کاسخت نظام وضع کیاجائے، گیس چوری روکنے کیلیے نئے قانون پر عملدرآمد یقینی بنایاجائے، ریکارڈ کودرست رکھنے کیلیے ایک کمیٹی بنائی جائے جو سارے سسٹم کو دیکھے اوربہتری کی تجاویزبھی دے۔آڈٹ حکام نے کمیٹی کوبتایاکہ1996سے لے کراب تک گلگت بلتستان میں وزارت پٹرولیم کے17ذیلی اداروںکاریکارڈ تک نہیں جس پرکمیٹی نے سخت برہمی کا اظہار کیا اور کہا کہ 20سال ہوگئے ہیں کوئی ریکارڈبھی موجودنہیں۔
سیکریٹری پٹرولیم عابد سعیدکاکہناتھاجو لوگ بھی اس میں ملوث پائے گئے ان کیخلاف کارروائی کی، ہمیں ایک ماہ کاوقت دیا جائے۔ آڈٹ حکام نے کمیٹی میں نے بتایاکہ اسٹاک رجسٹرمیں تیل کی ترسیل درج نہیں کی جاتی کہ کتنا تیل آیاہے۔آڈٹ حکام نے کروڑوں روپے کاتیل چوری ہونے کا انکشاف کیاجس پر کمیٹی کے چیئرمین راناافضال کاکہنا تھا کہ مجھے پتہ ہے راستوں میں ہی تیل چوری ہوتاہے اورمختلف تیل چوری کے پوائنٹ بنے ہوئے ہیں جہاں سستے داموں تیل فروخت ہوتا۔
کمیٹی نے وزارت پٹرولیم کے حکام کوتیل کی نقل وحمل کی سخت مانیٹرنگ اورذمے داران کے خلاف کارروائی کی ہدایت کی۔کمیٹی کوآڈ ٹ حکا م نے بتایا کہ مختلف صنعتوں سے عدم وصولی کی وجہ سے ایس این جی پی ایل کمپنی کو2کروڑ15لاکھ روپے کانقصان ہواہے،معاملہ عدالت میں ہے۔مزید تجارتی خبریں
-
سونے کی عالمی ومقامی قیمتوں میں اضافہ
-
پاکستان سٹاک ایکسچینج میں تیزی ،ہنڈرڈانڈیکس نے67 ہزارکی حدعبورکرلی
-
دریائوں اور آبی ذخیروں میں پانی کی صورتحال
-
بجلی چوروں کے خلاف آپریشن جاری،24گھنٹوں کے دوران مزید390افراد بجلی چور پکڑ ے گئے
-
اٹلی میں کام کرنے والے پاکستانیوں کی ترسیلات زرمیں سالانہ بنیادوں پر16.4 فیصدکی نموریکارڈ
-
برائلر گوشت کی قیمت میں15روپے کلو اضافہ، فارمی انڈے بھی مہنگے
-
عالمی منڈی کے زیراثر لوہے کی فی ٹن قیمت میں 22 ہزار روپے تک کمی
-
گوشت اورگوشت سے بنی اشیائ کی برآمدات میں سالانہ بنیادوں پراضافہ ریکارڈ
-
اسلام آباد ، پاکستان سٹاک ایکسچینج میں تیزی، 100 انڈیکس 608 پوائنٹس اضافے کے ساتھ 67156 پرپہنچ گیا
-
برائیلر گوشت کی قیمت میں10روپے فی کلو اضافہ
-
پاک چین دوستی میں دراڑ ڈالنے کی کوشش کامیاب نہیں ہوگی،میاں زاہد حسین
-
چائے کی درآمدات میں مالی سال کے پہلے 8 ماہ میں نمایاں اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.