وفاق کاعمران خان اور طاہرالقادری سے رابطہ، مذاکرات کی پیشکش
پیر 14 جولائی 2014 14:02
کراچی(اُردو پوائنٹ تازہ ترین اخبار۔14جولائی 2014ء) وفاقی حکومت نے سیاسی رابطہ کارکوہدایت کی ہے کہ تحریک انصاف اورعوامی تحریک کی قیادت سے فوری رابطہ کرکے ان سے آزادی مارچ اورانقلابی مارچ کاحتمی شیڈول کی تفصیلات طلب کی جائیں اوران سے مذاکرات کیلیے کمیٹی کے نام مانگے جائیں تاکہ ان معاملات کو15روز میں مذاکرات کے ذریعے حل کیا جاسکے۔
سیاسی رابطہ کارحکومتی قیادت سے گرین سگنل ملتے ہی متحرک ہوگئے ہیں اورانھوں نے دونوں جماعتوں کی قیادت کو پس پردہ پیغام بھیج دیاہے کہ ان جماعتوں کے تحفظات اورمطالبات کیاہیں ؟،ان مطالبات کی فہرست سے حکومت کوآگاہ کیا جائے،اگروہ اپنے مطالبات پروفاق سے مذاکرات کرناچاہتی ہیں تو وہ رواں ہفتے سیاسی رابطہ کار کوپیغام دیں کہ وہ کب اور کہاں مذاکرات کرناچاہتی ہیں ؟،ان جماعتوں کے مطالبات اور مذاکرات کامقام طے ہونے کے بعد براہ راست بات چیت کاسلسلہ شروع کیاجائیگا۔(جاری ہے)
وفاق کے ذرائع کاکہناہے کہ مسلم لیگ(ن) کی اعلیٰ قیادت نے سیاسی صورتحال پراپوزیشن جماعتوں سے مذاکرات کا فیصلہ کیا ہے کہ اس معاملے کو آگے بڑھانے کے لیے سیاسی رابطہ کارکوٹاسک دیا گیا ہے کہ وہ وہ فوری طور ر عمران خان اور طاہر القادری سے رابطے کریں ،وفاقی حکومت کی ہدایت سیاسی رابطہ کارفعال ہوگئے ہیں اور انھوں نے دونوں جماعتوں کی قیادت کو پیغام دیاہے کہ اگر وہ حکومت سے مذاکرات کرناچاہتی ہیں تو فوری طور پر اپنی مذاکراتی کمیٹیاں تشکیل دیں اورمطالبات سامنے لائیں،اس پیغام میں حکومت نے ان جماعتوں کوکہاہے کہ موجودہ حالات میں انقلابی مارچ یا آزادی مارچ نہ کیاجائے کیونکہ اگست کے دوہفتے یوم آزادی کی تقریبات اسلام آبادسمیت ملک بھر میں جاری رہیں گی اور 14اگست کو اسلام آبادمیں یوم آزادی کی مرکزی تقریب پارلیمنٹ ہائوس میں منعقدہوگی۔
اس تقریب کے سبب 14اگست کواسلام آباد میںکسی جماعت کواحتجاجی ریلی یا مارچ کی اجازت دیناممکن نہیں ہوگا،اس پیغام میں حکومت نے ان جماعتوں کو کہاہے کہ وہ ملک کے وسیع تر مفاد اور موجودہ صورتحال پر اپنے احتجاج کی پالیسی پر نظر ثانی کریں اورڈائیلاگ پالیسی پر عمل کریں کیونکہ حکومت کسی کو جہموری اندازسیاست اور احتجاج سے روکنے پر یقین نہیں رکھتی ،حکومت نے پس پردہ مذاکراتی پالیسی کے تحت طاہرالقادی سے مذاکرات کیلیے گورنرسندھ ڈاکٹرعشرت العبادخان اور عمران خان سے بات چیت کے لیے گورنرخیبر پختونخواسردارمہتاب عباسی کی خدمات لینے کا عندیہ دیاہے۔
اگر ان دونوں جماعتوں نے مذاکرات پر آمادگی ظاہرکردی توپھروفاقی وزیرداخلہ چوہدری نثارکی قیادت میں حکومتی مذاکراتی ٹیم مذاکرات کرے گی ،حکومتی حلقوں کا کہن ہے کہ اگر مطالبات آئین کے دائرہ کار میں ہوئے تو بات چیت کاسلسلہ آگے بڑھایا جائے گا ،ناکامی کی صورت میں قانون کے مطابق آپشنز استعمال کیے جائیں گے ،اگر 14اگست کے دن اجازت کے بغیرآزادی مارچ اسلام آباد میں کرنے کی کوشش کی گئی تو تحریک انصاف کی قیادت کو نظربند کرنے کے ساتھ یا قانون کی خلاف ورزی پرگرفتارکیاجاسکتاہے،تحریک انصاف اور عوامی تحریک کے ذرائع کا کہناہے کہ اب تک حکومت کاباضابطہ مذاکراتی پیغام نہیں ملاہے،حکومت سے مذاکرات کرنے یا نہ کرنے کا فیصلہ مرکزی قیادت مشاورت سے چندروز میں کرلیاجائے گا۔
متعلقہ عنوان :
مزید اہم خبریں
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.