لیبیا میں دہشتگردوں کا ایئرپورٹ پر حملہ، 90 فیصد طیارے تباہ

منگل 15 جولائی 2014 13:05

لیبیا میں دہشتگردوں کا ایئرپورٹ پر حملہ، 90 فیصد طیارے تباہ

طرابلس(اُردو پوائنٹ تازہ ترین اخبار۔15جولائی 2014ء) لیبیا کے دارالحکومت طرابلس میں دہشتگردوں کی جانب سے ایئرپورٹ پر حملے کے نتیجے میں 90 فیصد طیارے تباہ ہوگئے جبکہ سیکیورٹی فورسز سے جھڑپوں میں 2 اہلکاروں سمیت 15 افراد ہلاک ہوگئے۔ غیر ملکی خبر رساں ادارے کے مطابق حکومتی ترجمان احمد لمینی نے گزشتہ روز طرابلس ایئرپورٹ پر مسلح افراد کے حملے میں ہونے والے نقصان کی تفصیلات بتاتے ہوئے کہا کہ دہشتگردوں نے جدید ہتھیاروں سے ایئرپورٹ پر حملہ کیا جبکہ متعدد راکٹ فائر کئے گئے جس کے نتیجے میں کنٹرول ٹاور اور پارکنگ میں کھڑے 90 فیصد طیارے تباہ ہوگئے، سیکیورٹی فورسز اور دہشتگردوں کے درمیان جاری رہنے والی طویل جھڑپ کے دوران 2 اہلکاروں سمیت 15 افراد ہلاک اور 25 سے زائد زخمی ہوگئے۔

(جاری ہے)

دہشتگردوں کے حملےکے نتیجے میں طرابلس ایئرپورٹ پر کھڑی گاڑیوں کو بھی شدید نقصان پہنچا جبکہ حکام کے مطابق طیاروں کی مرمت میں لاکھوں ڈالرزخرچ ہوں گے جبکہ دہشتگردوں نے ایئرپورٹ کی کسٹم بلڈنگ، کنٹرول ٹاور، فیول ٹینکس اورٹرکوں کو بھی تباہ کردیا۔ دوسری جانب اقوام متحدہ نے طرابلس انٹرنیشنل ایئرپورٹ پر حملے کے بعد اپنے عملے کو فوری طور پر شمالی افریقی ممالک جانے کی ہدایات جاری کردیں۔

متعلقہ عنوان :