36 بچوں کے باپ گلزار خان کا چوتھی شادی کروانے کا خواب ادھورا رہ گیا!!!
جمعرات 17 جولائی 2014 14:25
بنوں (اُردو پوائنٹ تاز ترین اخبار۔ 17جولائی 2014ء) پاکستان کی جانب سے شمالی وزیرستان میں عسکریت پسندوں کے خاتمے کے لیے فوجی آپریشن جاری ہے مگر اس نے 36 بچوں کے باپ کا چوتھی شادی کرنے کا خواب ضرور چکنا چور کردیا ہے۔
گلزار خان ان لاکھوں افراد میں شامل ہے جو شمالی وزیرستان میں فوجی آپریشن کے بعد وہاں سے گھربار چھوڑ کر نکلنے مجبور ہوئے ہیں۔
گلزار شمالی وزیرستان کے گاﺅں شاہوا میں اپنے قلعے نما 35 کمروں کے گھر میں سو کے لگ بھگ افراد کے ساتھ رہتے تھے، جن میں ان کی بیویاں، بچے اور ان کے بچے شامل تھے۔
چوون سالہ ان صاحب کو شمالی وزیرستان سے نکلنے کے لیے ٹرانسپورٹ کے اخراجات اس جمع پونجی سے کرنا پڑے جو انھوں نے اپنی چوتھی شادی کے لیے جمع کر رکھی تھی۔
(جاری ہے)
گلزار نے بتایا کہ "شاہوا سے بنوں آنے کے لیے اپنے خاندان کے ساتھ آنے کے لیے میں نے اپنی تمام جمع پونچی خرچ کردی اور اب میں پھر سے بچت شروع کروں گا اور آپریشن کے ختم ہونے کا انتظار کروں گا"۔
گلزار کی تینوں بیویوں کے بارہ، بارہ بچے ہیں اور اب انھوں نے واضح الفاظ میں کہہ دیا ہے کہ بہت ہوچکا جس پر اس نے چوتھی شادی کی منصوبہ بندی شروع کی کیونکہ بیویاں مزید بچوں کی پیدائش کے لیے تیار نہیں۔
گلزار کی پہلی شادی سترہ سال کی عمر میں چودہ سالہ کزن سے ہوئی تھی، جس سے اس کے آٹھ بیٹیاں اور چار بیٹے ہیں، 25 سال کی عمر میں اس نے پھر سے ایک سترہ سالہ لڑکی سے شادی کی۔
گلزار جو اس وقت بنوں میں ایک سترہ کمروں کے گھر میں مقیم ہیں جہاں فوجی آپریشن سے بے گھر ہونے والے متعدد افراد نے پناہ لی ہوئی ہے۔
گلزار کی تیسری شادی اس وقت ہوئی جب اس کا بھائی شادی کے صرف ایک ماہ بعد ہی ایک جھگڑے میں مارا گیا جس پر اس نے بیوہ کو اپنی شریک حیات بنالیا۔
گلزار کے دو بیٹے دبئی میں بطور ڈرائیور کام کررہے ہیں اور گھر رقم بھیجتے ہیں تاکہ اپنی بڑھتے خاندان کی ضروریات پوری کرسکین جبکہ بنوں اور شاہوا میں گلزار خان کی زرعی زمین سے بھی آمدنی ہوتی ہے۔
گلزار کا کہنا ہے کہ 'میرے بیٹے ہر ماہ دبئی سے پچاس ہزار روپے بھیجتے ہیں جس سے ہماری ضروریات پوری ہوتی ہیں'۔
اس کا مزید کہنا تھا کہ تینوں بیویوں کے درمیان کوئی جھگڑا نہیں اور وہ ایک ہی چھت کے نیچے رہتی ہیں مگر وہ اس بات کو ضرور تسلیم کرتے ہے کہ وہ یہ بھول جاتے ہے کہ کونسا بچہ کس بیوی سے ہے۔
گلزار کا کہنا ہے کہ اسے اپنے خاندان کی غذائی اور کپڑوں کی ضروریات پوری کرنے میں کسی مشکل کا سامنا نہیں ہوتا مگر بہت زیادہ لوگ آس پاس ہونے کے پاس پرائیویسی کی کمی محسوس ہوتی ہے۔
ان کا کہنا تھا کہ ہر وقت دو یا تین بچے میرے ارگرد لیٹے ہوتے ہیں تو اس لئے بیویوں کے لیے وقت نکالنا کافی مشکل ہوجاتا ہے۔ (بشکریہ ڈان نیوز، اے ایف پی. تصویر اے ایف پی)
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.