پولیس عوام کی خادم کی بجائے حکمران جماعت کا عسکری ونگ بن چکی ہے ‘میاں محمود الرشید
جمعہ 25 جولائی 2014 20:59
لاہور(پوائنٹ اخبار تازہ ترین۔25جولائی۔2014ء) اپوزیشن لیڈر پنجاب میاں محمود الرشید نے تحریک انصاف گجرات کے رہنماوں اور کارکنوں کے ہمراہ ظلم کا شکار معصوم بچے کی ہسپتال میں عیادت کی اور واقعہ کو بد ترین درندگی قرار دیا اور مقامی پولیس کی طرف سے چار روز تک ایف آئی آر درج نہ کیے جانے پر گہرے افسوس کا اظہار کرتے ہوئے کہاکہ پولیس عوام کی خادم کی بجائے حکمران جماعت کا عسکری ونگ بن چکی ہے مظلوموں کے ساتھ پولیس کے بے رحمانہ برتاؤنے گڈگورننس کے چہرے سے نقاب اتار دیا ہے پنجاب کے موجودہ حکمرانوں نے پولیس کو گسٹاپو فورس میں تبدیل کردیا ہے جس کا کام صرف مخالفین کو جھوٹے مقدمات میں پھنسانا اورٹھکانے لگانا رہ گیا ہے انہوں نے معصوم بچے کی عیادت کے بعد میڈیا کے نمائندوں سے بات چیت کرتے ہوئے مطالبہ کیا کہ عدالت بچے پر ظلم کے پہاڑ توڑ نیوالے درندے صفت مجرموں کو عبرت ناک سزادیں ‘وزیراعلی پنجاب سیاسی وابستگیاں رکھنے والے اور ذاتی خدمت گار افسران کو ڈی پی او لگاتے ہیں اور پھر اراکین اسمبلی کی سفارش پر ڈی ایس پی اور ایس ایچ اوز کی تقرریاں عمل میں آتی ہیں یہی وجہ ہے سفارشی ایس ایچ اوز مظلوموں کے ساتھ انصاف کرنے کی بجائے ظالموں کے محافظوں کا کردار ادا کرتے ہیں ماڈل ٹاون کا سانحہ ، فیصل آباد تھانے پر حملہ ، ہائی کورٹ کے احاطہ میں پولیس کی موجودگی میں خاتون کا قتل لاقانونیت کے تازہ ترین واقعات ہیں ہر واقعہ میں حکومت نے بڑی مچھلیوں کو تحفظ دیا وزیر اعلی پنجاب اس وقت حرکت میں آتے ہیں جب سنگین واقعات میڈیا کی زینت بنتے ہیں اور پھر چھوٹے گریڈ کے افسروں کو معطل کرکے سیاسی ڈرامہ بازی کرتے ہیں اور پھر نام نہاد کمیٹیاں قائم کرکے بڑی مچھلیوں کو بچاتے ہیں انہوں نے کہاکہ کوئی دن نہیں جاتا کہ عوام خادم پنجاب کی پولیس کے ظلم کی کوئی داستان نہ سنتے ہوں ن لیگ کی ذاتی خدمت گار پولیس پنجاب کے لاء اینڈ آرڈر اور عوام کے جان ومال کے لیے سب سے بڑا خطرہ ہے ڈی پی او گجرات کی تقرری بھی سیاسی خدمات کا نتیجہ ہے انہوں نے کہا کہ انصاف کی فراہمی اور قانون نافذ کرنے والے اداروں کو سیاست سے پاک کرنے کے لیے 30سال سے اقتدار کے مزے لوٹنے والی سیاسی جماعتوں سے نجات ضروری ہوگئی ہے۔
متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.