افغان فوجی غیر ملکی قابضین کیلیے جان دینے کے بجائے ہمارے ساتھ مل جائیں، ملا عمر

ہفتہ 26 جولائی 2014 11:46

لاہور(اُردو پوائنٹ تازہ ترین اخبار۔26جولائی 2014ء) افغان طالبان کے امیر ملا عمر نے مسلمانوں کو عید کی مبارکباد دیتے ہوئے کہا ہے کہ ہم افغانستان میں فوجی محاذ پر آگے بڑھ رہے ہیں اور ہمیں کامیابی بھی مل رہی ہے۔ انھوں نے کہا ہے کہ افغان نیشنل سیکیورٹی فورسز کے جوان غیرملکی قابضین کیلیے جان نہ دیں بلکہ طالبان کے ساتھ مل جائیں، طالبان افغان فورسز کوچھوڑ کر آنے والوں کو خوش آمدید کہیں گے۔

(جاری ہے)

انھوں نے کہا کہ جب آخری غیر ملکی حملہ آور فوجی افغانستان چھوڑ جائے گا تو ہماری جنگ ختم ہوجائیگی، ہماری تمام تر جدوجہد صرف کابل میں اسلامی امارت کے قیام کیلیے ہے، اس سے زیادہ کچھ نہیں۔

ملا عمر کا کہنا تھا کہ ہم کسی ملک کے اندرونی معاملات میں دخل یا انہیں نقصان نہیں پہنچانا چاہتے لیکن ان کے لئے بھی بہتر ہوگا کہ وہ ہمارے معاملات میں دخل اندازی نہ کریں ورنہ انہیں نقصان اٹھانا پڑے گا۔ انہوں نے افغان حکومت سے کہا کہ وہ امن معاہدے پر دستط نہ کرے کیونکہ اس سے کسی کو فائدہ حاصل نہیں ہوگا، جب تک غیر ملکی افواج افغانستان میں موجود رہیں گی ان کے خلاف ہمارا جہاد بھی جاری رہے گا جس سے خطے اور ملک کی سیکیورٹی کو خطرات لاحق ہوں گے۔

Facebook Twitter Google + Share on Whatsapp

افغان فوجی غیر ملکی قابضین کیلیے جان دینے کے بجائے ہمارے ساتھ مل جائیں، ملا عمر

مزید اہم خبریں