برف پگھلنے لگی،روس اورامریکا کابات چیت جاری رکھنے پر اتفاق
ہفتہ 2 اگست 2014 14:03
ماسکو/ واشنگٹن(اُردو پوائنٹ اخبار تازہ ترین۔2اگست۔2014ء) امریکی صدر باراک اوباما نے اپنے روسی ہم منصب ولادیمیر پوٹن پر ایک مرتبہ پھر زور دیا ہے کہ وہ مشرقی یوکرائن میں سرگرم روس نواز علیحدگی پسندوں کی حمایت ترک کریں اور تنازعے کا سفارتی حل تلاش کریں، اوباما نے روسی صدرولادی میرپیوٹین سے ٹیلی فون پر رابطہ کیا، مشرقی یوکرائن میں سترہ جولائی کو ملائیشین ایئر لائینز کا مسافر طیارہ گرائے جانے کے بعد دونوں رہنماں کے مابین ہونے والی یہ پہلی براہ راست گفتگو تھی۔
وائٹ ہاؤس کے مطابق اوباما اور پوٹن نے اس پر اتفاق کیا کہ واشنگٹن اور ماسکو کے مابین بات چیت کا عمل جاری رکھا جائے گا۔ وائٹ ہاؤس کے مطابق بات چیت میں اوباما نے زمین سے مار کرنے والے کروز میزائلوں کے خاتمے کے لیے 1988 میں طے شدہ انٹرمیڈیٹ نیوکلیئر ٹریٹی کی روس کی جانب سے مبینہ خلاف ورزی پر بھی تشویش کا اظہار کیا۔(جاری ہے)
ادھر کریملن سے جاری کردہ بیان کے مطابق اس ٹیلی فونک گفتگو میں روسی صدر نے اپنے امریکی ہم منصب سے کہا کہ ماسکو کے خلاف تازہ پابندیوں کا اطلاق نہ صرف نقصان دہ ہے بلکہ اس سے دونوں ممالک کے باہمی تعلقات اور بین الاقوامی استحکام کو بھی خطرات لاحق ہیں۔
کریملن کے بیان کے مطابق دونوں رہنماؤں کے درمیان واضح اختلافات اب بھی برقرار ہیں تاہم دونوں ہی نے مشرقی یوکرائن میں فوری اور دیر پا جنگ بندی کی ضرورت پر زور دیا۔متعلقہ عنوان :
مزید بین الاقوامی خبریں
-
بارشوں کا 75 سالہ ریکارڈ ٹوٹ جانے کے باوجود صرف 24 گھنٹوں میں متحدہ عرب امارات کے متاثرہ علاقے کلیئر ہو گئے
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.