ملکی صرافہ مارکیٹو ں میں سونا مہنگا ہوگیا

بدھ 6 اگست 2014 22:22

ملکی صرافہ مارکیٹو ں میں سونا مہنگا ہوگیا

کراچی(اُردو پوائنٹ تازہ ترین اخبار۔6اگست 2014ء)عالمی صرافہ مارکیٹ فی اونس سونے کی قیمت میں کمی کے باوجود ملکی صرافہ مارکیٹو ں میں سونا مہنگا ہوگیا۔ بدھ کو 3 ڈالر کی کمی سے عالمی مارکیٹ میں فی اونس سونے کی قیمت 1288 ہوگئی جبکہ ملکی صرافہ مارکیٹوں میں سونے کی قیمت میں اضافے کا رجحان دیکھا گیا۔

(جاری ہے)

آل پاکستان سپریم کونسل جیولرز ایسوسی ایشن کے رپورٹ کے مطابق بدھ کو کراچی، حیدرآباد، لاہور، ملتان، فیصل آباد، اسلام آباد، راولپنڈی اور کوئٹہ کی صرافہ مارکیٹوں میں فی تولہ سونے کی قیمت میں 100 روپے کا اضافہ ریکارڈ کیا گیا جس سے ان شہروں کی صرافہ مارکیٹوں میں فی تولہ سونے کی قیمت 48 ہزار 400 روپے سے بڑھ 48 ہزار 500 روپے ہوگئی اس طرح 86 روپے کے اضافے سے ملکی صرافہ مارکیٹوں میں دس گرام سونے کی قیمت 41 ہزار 571 روپے ہوگئی جبکہ ملک بھر میں فی تولہ چاندی کی قیمت 750 روپے کی سطح پر برقرار رہی۔