زکوٰة مستحقین کو ملنے والا گزارا الاؤنس اب نادرا کے بجائے سندھ بینک کے ذریعے دیا جائے گا کیونکہ نادرا سے کیا گیا معاہدہ ختم ہو گیا ہے،زاہد قربان علوی
جمعرات 7 اگست 2014 22:55
حیدرآباد(اُردو پوائنٹ اخبار تازہ ترین۔7اگست۔2014ء) چیئرمین سندھ زکوٰاة کونسل جسٹس ریٹائرڈ زاہد قربان علوی نے کہا ہے کہ زکوٰة مستحقین کو ملنے والا گزارا الاؤنس اب نادرا کے بجائے سندھ بینک کے ذریعے دیا جائے گا کیونکہ نادرا سے کیا گیا معاہدہ ختم ہو گیا ہے، سندھ بینک کے ذریعے زکوٰاة کی تقسیم کو شفاف بنانے کے لیے موثر اقدامات کیے گئے ہیں۔
وہ حیدرآباد کے تین اسکولوں کے طلبہ و طالبات میں یونیفارم ، اسکول بیگس،واٹر کولر اور پنکھے تقسیم کرنے کے لیے منعقدہ تقریب سے خطاب کر رہے تھے۔(جاری ہے)
زاہد قربان علوی نے کہا کہ حکومت کی یہ کوشش ہے کہ مستحقین کو زکوٰاة احسن طریقے سے جلد فراہم ہو اس لیے سندھ بینک سے نیا معاہدہ کیا گیا ہے، ضلع زکوٰاة کمیٹی حیدرآباد کے چیئرمین شیر محمد پیر زادہ نے بتایا کہ زکوٰاة کمیٹی حیدرآباد کی جانب سے زکوٰاة کی تقسیم کا ایسا طریقہ اختیار کیا گیا ہے جس سے حقیقی مستحقین کو ان کا حق دیا جاسکے، انہوں نے بتایا کہ آج کی اس تقریب میں حیدرآباد کے تین اسکولوں گورنمنٹ گرلز ہائی اسکول لطیف آباد نمبر10 ، گورنمنٹ گرلز مڈل اسکول محمد بخش شورو قاسم آباد اور گورنمنٹ گرلز اسکول حمیدہ شاہنواز قاسم آباد کے کُل 125 طلبہ و طالبات میں اسکول یونیوفارم ، اسکول بیگس، 6 اسکولوں کے لیے واٹر کولر ز اور 6 پنکھے دیئے جارہے ہیں ، انہوں نے بتایا کہ اس کے علاوہ حیدرآباد ضلع کے 70 اسکولوں کے 35 سو طالبعلموں میں یونیفارم اور اسکول بیگس اور اسکولوں کو واٹر کولر اور پنکھے دیئے جائیں گے جبکہ آئندہ مالی سال کے دوران حیدرآباد ضلع کے مزید اسکولوں میں سہولتوں کی فراہمی کے لیے زکوٰاة فنڈ میں سے رقم فراہم کی جائے گی، انہوں نے بتایا کہ حکومت سندھ کی ہدایات پر محکمہ تعلیم اور محکمہ صحت کے شعبوں کو ترجیح دی جارہی ہے اور زکوٰاة کی کثیر رقم انہی شعبوں کی بہتری اور ترقی کے لیے خرچ کی جارہی ہے، تقریب میں مقامی زکوٰاة کمیٹی کے چیرمینز ، اساتذہ اور طالبعلموں نے نے شرکت کی ۔
متعلقہ عنوان :
مزید تجارتی خبریں
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
-
برائلر گوشت کی قیمت میں36روپے کلو کمی
-
سکریپ کے گودام میں آگ لگنے سے لاکھوں کا سامان جل گیا
-
کراچی گولڈ بلین ایکس چینج کا سونے کے نرخ جاری کرنے کا اعلان
-
پیاز کی قیمتوں کمی جبکہ چینی قیمتوں اضافہ شروع ہوگیا پیاز کی قیمت 280سے کم ہوکر 140روپے فی کلو ہوگئی
-
لاہور: برائلر گوشت کی قیمت میں کمی
-
پاکستان سٹاک ایکسچینج میں تیزی ،100 انڈیکس نئی بلند ترین سطح پر پہنچ گیا
-
اوپن مارکیٹ میں چینی کی قیمتیں بڑھنا شروع ہوگئیں
-
برائلر گوشت کی قیمت میں 12روپے کلو کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.