حکومت سیف علی سے پدما شری ایوارڈ واپس نہیں لے رہی، کرینہ

پیر 11 اگست 2014 14:09

ممبئی(اُردو پوائنٹ تازہ ترین اخبار۔ 11اگست 2014ء) بالی ووڈ کی اداکارہ کرینہ کپور نے اپنے شوہر سیف علی خان کو ملنے والے پدما شری ایوارڈ کے حکومت کی طرف سے واپس لیے جانے کی افواہ کو ختم کرتے ہوئے کہا ہے کہ حکام کی طرف سے ایک لیٹر موصول ہوا ہے جس میں یہ درج ہے کہ بھارت سرکار سیف علی خان سے یہ ایوارڈ واپس نہیں لے رہی۔ ایک تقریب میں کرینہ کپور نے میڈیا سے گفتگو کرتے ہوئے کہا کہ ’’حکومت پہلے ہی ایک لیٹر جاری کرچکی ہے جس میں لکھا ہے کہ وہ پدما شری واپس نہیں لے رہی‘‘ ۔

بھارت کا چوتھا سب سے اعلیٰ سول ایوارڈ سیف علی خان کو اداکاری کے شعبے میں بہترین کارکردگی پر 2010ء کو نوازا گیا تھا‘ لیکن اب یہ خبریں گردش کر رہی تھیں کہ حکومت سیف علی خان سے یہ ایوارڈ واپس لے رہی ہے کیونکہ انھوں نے فروری 2012ء میں ممبئی کے ایک ہوٹل کولابا میں ایک جنوبی افریقن این آر آئی بزنس مین پر حملہ کیا تھا اور اس کے ناک کو زخمی کیا تھا اور ممبئی کورٹ میں کیس چل رہا تھا۔

(جاری ہے)

اس تناظر میں کرینہ نے کہا کہ ’’اب یہ لیٹر منظر عام پر آگیا ہے اور میڈیا اسے حاصل کرسکتا ہے‘ یہ خط سیف علی خان کو 3 سے 4 سال قبل ملا تھا اور جب کہ اس کیس کا فیصلہ ابھی تک نہیں آیا‘ وہ سیف کے پدما شری ایوارڈ کو منسوخ نہیں کر رہے‘‘۔

Facebook Twitter Google + Share on Whatsapp

حکومت سیف علی سے پدما شری ایوارڈ واپس نہیں لے رہی، کرینہ

مزید فن و فنکار کی خبریں