لاہورمیں طاہرالقادری کے گھر اور منہاج القرآن جانیوالے راستے سیل،پولیس کی مزید نفری تعینات
لاہور(اُردو پوائنٹ تازہ ترین اخبار۔ 12اگست 2014ء) پاکستان عوامی تحریک کا انقلاب مارچ روکنے کے لئے ماڈل ٹاؤن اور فیصل ٹاؤن کے تمام راستوں کو کنٹینر لگا کر سیل کردیا گیا ہے جبکہ پولیس کی بھاری نفری بھی تعینات کردی گئی ہے۔ انقلاب مارچ کو ناکام بنانے کے لئے انتظامیہ نے لاہور کے علاقے ماڈل ٹاؤن اور فیصل ٹاؤن میں ڈاکٹر طاہر القادری کی رہائش گاہ اور منہاج القرآن سیکریٹریٹ کی جانب جانے والے تمام راستوں کو کنٹینر لگا کر سیل کردیا گیا ہے۔
اس کے علاوہ تمام راستوں پرپولیس کی مزید نفری بھی تعینات کردی گئی ہے۔ اس کے علاوہ پاکستان عوامی تحریک کے ڈنڈا بردار کارکنوں کی بڑی تعداد بھی القادریہ اور منہاج القرآن سیکریٹریٹ کے باہر موجود ہے۔ سیکیورٹی پر مامور کارکن شیلنگ سے بچنے کے لئے خصوصی ماسک اور چشمے بھی لگائے ہوئے ہیں۔(جاری ہے)
دوسری جانب پنجاب پولیس نے صوبے بھر میں پاکستان عوامی تحریک کے خلاف کریک ڈاؤن کرتے ہوئے سیکڑوں کارکنوں کو حراست میں لے لیا ہے۔
ڈی پی او بھکر شاکرحسین داوڑ نے 3 روز کے دوران پی اے ٹی کے 304 کارکنوں کو حراست میں لینے کی تصدیق کی ہے جن میں سے 180 کارکنوں کو جوڈیشل ریمانڈ پر سینٹرل جیل میانوالی منتقل کیا گیا ہے۔ اس کے علاوہ گوجرانوالہ سے 300، سرگودھا سے 150،خوشاب سے 100، میانوالی سے 76 ، ملتان سے 60، مظفر گڑھ سے 50، وہاڑی اور لودھراں سے 25 کارکن گرفتار کئے گئے ہیں۔ اس کے علاوہ فیصل آباد، جہلم، لودھراں، لیہ، راولپنڈی اور دیگر شہروں سے بھی درجنوں افراد کو حراست میں لیا گیا ہے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
