حکومت تحریک انصاف کے پانچ مطالبات ماننے پر آمادہ

منگل 19 اگست 2014 17:07

اسلام آباد (اُردو پوائنٹ اخبار تازہ ترین۔19اگست۔2014ء) حکومت نے تحریک انصاف کے پانچ مطالبات تسلیم کرنے پر آمادگی کا اظہار کیا ہے، جن میں متنازع حلقوں میں دوبارہ گنتی، انتخابی اصلاحات، نیا الیکشن کمیشن، دھاندلی کے ذمہ داروں کیخلاف کارروائی شامل ہیں. ذرائع کے مطابق حکومت نے اپنی رضامندی سے سیاستدانوں اور اپوزیشن رہنماوں کو آگاہ کر دیا ہے۔

(جاری ہے)

ذرائع کے مطابق حکومت متنازعہ حلقوں کی گنتی کے لیے تیار اور انتخابی عمل کی شفافیت کے لیے اصلاحات پر بھی آمادہ ہے ۔ ذرائع کا کہنا ہے کہ حکومت نے نئے الیکشن کمیشن کی تشکیل پر بھی رضامندی کے اشارے دئیے ہیں اور دھاندلی کے ذمے داران کے خلاف کاروائی کا عندیہ دیا ہے ۔ ذرائع کے مطابق حکومت کا اصرار ہے کہ اقتدار کی تبدیلی آئین کے طریقہ کار کے مطابق ہو گی۔ حکومتی آمادگی اور پانچوں مطالبات خورشید شاہ کی صدارت میں منعقدہ اجلاس میں بھی زیر غور آئے۔