انقلاب اورآزادی مارچ سے معیشت کو 400 ارب روپے کا نقصان پہنچا، حکومت

جمعرات 21 اگست 2014 12:26

اسلام آباد(اُردو پوائنٹ تازہ ترین اخبار۔1 2اگست 2014ء) عوامی تحریک کے انقلاب اور تحریک انصاف کے آزادی مارچ سے قومی معیشت کو 400 ارب روپے کا نقصان پہنچا۔ وفاقی حکومت نے ملک میں ممکنہ بغاوت کیخلاف دائر درخواستوں کے تحریری جواب میں سپریم کورٹ کو بتایا ہے کہ تحریک انصاف اور عوامی تحریک کے احتجاج اور دھرنے کے باعث قومی معیشت کو ناقابل تلافی نقصان پہنچا ہے۔

آئی ایم ایف کے وفد نے مجوزہ دورہ منسوخ کر دیا ہے جب کہ بین الاقوامی محاذ پر اس وقت دھچکہ لگا جب سری لنکا کے صدر نے جمعرات سے شیڈول دورہ منسوخ کردیا۔ حکومت نے تحریری جواب میں آئین کے آرٹیکل پانچ کا خصوصی حوالہ دیا گیا ہے جس میں کہا گیا ہے کہ آئین اور قانون کی پاسداری ہر شہری کی ذمہ داری ہے اور آئین سے انحراف آئین سے بغاوت کے مترادف ہے۔

(جاری ہے)

حکومت آئین وقانون کی بالادستی پرکوئی سمجھو تہ نہیں کرے گی اور نہ ہی دھمکیوں سے مرعوب ہوگی،کسی کو ملک کی سلامتی سے اور خود مختاری کے ساتھ کھیلنے کی اجازت نہیں دی جائے گی۔لاہور ہائیکورٹ کے فل بینچ نے انقلاب اور آزادی مارچ کو غیر آئینی اور غیر قانونی قرار دیا ہے لیکن احتجاج کے قائدین کو قطعاً کوئی پرواہ نہیں۔جواب میں کہا گیا کہ تحریک انصاف اور عوامی تحریک نے ریڈ زون میں داخل نہ ہونے کا وعدہ کیا تھا لیکن وعدے کی پاسداری نہیںکی ۔

Facebook Twitter Google + Share on Whatsapp

انقلاب اورآزادی مارچ سے معیشت کو 400 ارب روپے کا نقصان پہنچا، حکومت

متعلقہ عنوان :

مزید اہم خبریں