شہباز شریف اور پنجاب حکومت کی کارکردگی دیگر صوبوں سے بہتر،پلڈاٹ سروے
بدھ 3 ستمبر 2014 11:51
لاہور(اُردو پوائنٹ تازہ ترین اخبار۔3ستمبر 2014ء) پارلیمانی اداروں کی کارکردگی پر نظر رکھنے والے غیر سرکاری ادارے ’’ پاکستان انسٹی ٹیوٹ آف لیجسلیٹو ڈیولپمنٹ اینڈ ٹرانسپیرنسی( پلڈاٹ) ‘‘نے وفاقی اور صوبائی حکومتوں کی ایک سالہ کارکردگی کی رپورٹ جاری کر دی۔ پلڈاٹ کے عوامی سروے میں کارکردگی کے لحاظ سے حکومت پنجاب اور وزیراعلیٰ پنجاب شہبازشریف کو سرفہرست قرار دیا گیا ہے، چاروں صوبائی حکومتوں کی کارکردگی کا جائزہ لینے کیلیے سروے میں ملک بھر سے منتخب افراد نے اپنی رائے کا اظہار کیا، سروے میں 3065 شہریوں نے چاروں صوبوں کے دیہی اور شہری علاقوں سے حصہ لیا، وزیراعظم نوازشریف کو 46 فیصد افراد نے بہتر قرار دیا اور52فیصد افراد نے وفاقی حکومت کی کارکردگی کو گزشتہ سال سے بہتر قرار دیا، چاروں صوبائی وزرائے اعلی کی کارکردگی کے عوامی سروے میں وزیراعلیٰ پنجاب شہبازشریف کو 65فیصد افراد نے بہترین قرار دیا۔
(جاری ہے)
عوامی سروے میں خیبرپختونخوا کے وزیراعلیٰ دوسرے اور بلوچستان کے وزیراعلیٰ تیسرے جب کہ سندھ کے وزیراعلیٰ کارکردگی کے لحاظ سے آخری نمبر پر ہیں، حکومتوں کی کارکردگی کا جائزہ لینے کیلیے امن و امان ،غربت کے خاتمے، تعلیم،صحت ،شفافیت، توانائی کی پیداوار، اینٹی کرپشن، سرمایہ کاری کیلیے سازگار ماحول ،محصولات کی وصولی، یوٹیلٹی بلز کی وصولی، ترقیاتی پروگرام، سرکاری ملازمین کا غیرجانبدارانہ اور معیاری برتاؤ، میرٹ پر بھرتی اور ترقیاں، گڈگورننس کیلیے ٹیکنالوجی کا استعمال، سرکا ری خریداری میں شفافیت،زرعی مداخل کی فراہمی، ماحولیاتی آلودگی سے بچاؤ، قدرتی آفات سے بچاؤ کے انتظامات، بچوں کے حفاظتی ٹیکے، بنیادی سطح پر اختیارات کی منتقلی، وفاقی و صوبائی وسائل کی تقسیم، انصاف تک رسائی ،صوبوں کو اختیارات کی منتقلی ،قومی سلامتی ریگولیٹریز باڈیزکی کارکردگی، ریگولیٹری باڈیز میں میرٹ پر بھرتی، افراط زر پرکنٹرول، آبی ذخائر کی ترقی اور انتظام جیسے اعشاریے شامل کیے گئے۔
وزرائے اعلیٰ کی کارکردگی میں سے وزیر اعلیٰ پنجاب شہباز شریف65فیصد عوامی اعتماد کے ساتھ پہلے،خیبرپختونخواکے وزیر اعلیٰ پرویز خٹک 37فیصد کے ساتھ دوسرے، عبدالمالک بلوچ33فیصد کے ساتھ تیسرے اور سندھ کے قائم علی شاہ30فیصد عوامی اعتماد کے ساتھ آخری نمبر پر رہے،اداروں میں سے پاک فوج پر 73فیصد پاکستانیوں کا اعتماد، نیب پر42فیصد، بیوروکریسی پر صرف 29 فیصد اور پولیس پر صرف 30فیصد پاکستانیوں نے اپنا اعتماد ظاہر کیا ہے۔
متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.