ایران نے نئے میزائل اور راڈارز تیار کرلئے،تلاش 3 میزائل سے فورسز دشمن کے کسی بھی ہدف کو نشانہ بناسکیں گی،سربراہ ایرانی فضائیہ اسماعیلی
بدھ 3 ستمبر 2014 20:07
تہران(اُردو پوائنٹ تازہ ترین اخبار۔3ستمبر 2014ء) ایران نے زمین سے فضا میں مار کرنے والے ایک نئے میزائل اور دو راڈار سسٹمز کو متعارف کرایا ہے۔ان کے بارے میں دعویٰ کیا ہے کہ ان سے ملک کی دفاعی صلاحیت میں اضافہ ہوگا۔ایرانی فضائیہ کے سربراہ جنرل فرزاد اسماعیلی نے کہا کہ تلاش 3 میزائل سے فورسز دشمن کے کسی بھی ہدف کو نشانہ بناسکیں گی۔انھوں نے سرکاری ٹیلی ویڑن سے گفتگو کرتے ہوئے کہا کہ اس میزائل کا حال ہی میں کامیاب تجربہ کیا گیا ہے۔
تاہم انھوں نے اس کی رینج نہیں بتائی ہے۔ایران باقاعدگی سے اپنی عسکری کامیابیوں کے اعلانات کرتا رہتا ہے اور ان کی آزاد ذرائع سے تصدیق نہیں کی جاسکتی ہے۔ جنرل فرزاد نے اس میزائل کے علاوہ منگل کو دو راڈار سسٹمز کا افتتاح کیا ہے۔(جاری ہے)
ان میں عرش 2 ایک سو پچاس کلومیٹر کے فاصلے تک چھوٹے بغیر پائِلٹ جاسوس طیاروں کا سراغ لگا سکے گا۔دوسرے راڈار سسٹم کا نام کیہان ہے اور یہ کروز میزائل اور ڈرونز کی نشان دہی کرنے کی صلاحیت رکھتا ہے۔
ایران نے ایک اور نئے فضائی سسٹم کا افتتاح کیا ہے۔اس سے ایران کی فضائی حدود میں پرواز کرنے والے طیاروں کے بارے میں خود مختار طریقے سے معلومات حاصل ہوسکیں گی۔اس کی فضائی حدود میں حالیہ مہینوں کے دوران بین الاقوامی پروازوں کی تعداد میں دْگنا اضافہ ہوا ہے اور چوبیس گھنٹے کے دوران اوسطاً قریباً نو سو پروازیں ایران کی فضائی حدود سے گزر کر آ اور جا رہے ہیں۔ایرانی فضائی حدود میں بین الاقوامی پروازوں کی تعداد میں اضافے کی بنیادی وجہ عراق ،شام اور یوکرین میں جاری تنازعات ہیں اور یوکرین کی فضائی حدود میں حال ہی میں ملائشیا کے ایک مسافر طیارے کی تباہی کے بعد بین الاقوامی فضائی کمپنیاں ایشیا اور مشرق وسطیٰ یا یورپی ممالک کے درمیان پروازوں کے لیے اب ایرانی حدود استعمال کررہی ہیں۔واضح رہے کہ ایران نے 1992ء میں اپنے ہاں دفاعی صنعت کو فروغ دیا تھا۔وہ اب خود ہلکے اور بھاری ہتھیار تیار کررہا ہے۔ان میں مارٹر گولوں سے لے کر ٹینک اور سب میرینز تیار کی جارہی ہیں۔اس نے زمین سے فضا میں مار کرنے والے میزائل تیار کررکھے ہیں۔یہ دو ہزار کلومیٹر تک مار کرسکتے ہیں اور اسرائیل اور خطے میں امریکی فوجی اڈوں کو نشانہ بنا سکتے ہیں۔متعلقہ عنوان :
مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.