لندن میں راحت فتح علی کے شو میں ریکارڈ 20 ہزار افراد کی شرکت
جمعرات 4 ستمبر 2014 14:14
لاہور(اُردو پوائنٹ تازہ ترین اخبار۔4ستمبر 2014ء) پاکستان کے بین الاقوامی شہرت یافتہ گلوکار استاد راحت فتح علی خاں نے بالی ووڈ اسٹارز کو بھی پرفارمنس میں پیچھے چھوڑ دیا۔ لندن کے ویمبلے ایرینا ہال میں 20 ہزارسے زائد شرکا کی شرکت نے نیا ریکارڈ قائم کردیا۔ واضح رہے کہ کچھ عرصہ قبل بالی وڈاسٹار سوناکشی سنہا، میکا اورجیکولین فرنینڈس سمیت دیگرفنکاروں نے بھی ویمبلے ایرینا میں پرفارم کیا لیکن ہال فُل نہیں ہوسکا تھا۔
گزشتہ روز لندن کے ویمبلے ایرینا میں راحت فتح علی خان جونہی اسٹیج پر پہنچے توشرکاء نے ان کا کھڑے ہوکرتالیاں بجاتے ہوئے استقبال کیا۔ اس کے بعد راحت نے اپنے روایتی انداز سے پرفارمنس کاآغاز کیا جس پرشرکاء جھومتے رہے۔صوفیانہ کلام اوردھمالوں کے علاوہ بالی وڈ فلموں کے لیے گائے مقبول گیت سن کرحاضرین نے انھیں خوب داد سے نوازا۔
(جاری ہے)
راحت فتح علی خاں نے لندن سے فون پربات کرتے ہوئے ’’ایکسپریس‘‘ کو بتایا کہ ویمبلے ایرینا کا شمار دنیا کے ایسے مقامات میں ہوتا ہے جہاں پرفارم کرنا ہر فنکاراور گلوکارکی خواہش ہوتی ہے۔
میں استاد نصرت فتح علی خاں کے ساتھ یہاں پہلے بھی پرفارم کرچکا ہوں اورخود بھی یہاں پرفارم کیا ہے لیکن اس مرتبہ جو رسپانس ملا اس کوکبھی نہیں بھلا سکتا۔پاکستانی اور ہندوستانی کمیونٹی کے علاوہ دنیا کے بیشتر ممالک سے آئے لوگ موجود تھے۔ میں نے اپنی زندگی میں اتنے توانا سامعین نہیں دیکھے۔ انھوں نے مزید بتایا کہ میں پوری دنیا میں پروگرام کرتا ہوں لیکن ویمبلے ایرینا میں پرفارمنس کا اپنا ہی مزہ ہے۔
اس مرتبہ یہاں لوگوں کی اتنی بڑی تعداد نے شرکت کی ہے کہ 20 سالہ ریکارڈ ٹوٹ گیا ہے۔میں ایک فنکارہوں اور میرا کام اپنے فن کے ذریعے لوگوں کو محظوظ کرنا ہے لیکن یہ میرے لیے فخریہ لمحات تھے کہ جب لوگوں کی اتنی بڑی تعداد میں مجھے اسٹیج پر آنے کی دعوت دی گئی تو میرے نام سے پہلے پاکستان کا نام پکارا گیا۔ مجھے پاکستانی ہونے پر فخر ہے اور میں اپنے فن کے ذریعے امن کا پیغام پوری دنیا تک پہنچانے کا مشن جاری رکھوں گا۔
مزید فن و فنکار کی خبریں
-
معروف اداکارہ نیمل خاور نے اپنے پرستاروں کے ساتھ براہ راست رابطے کیلئے یو ٹیوب چینل کا آغاز کردیا
-
مشہورپوپ سنگرکا جنوبی کوریا میں مسجد بنانے کا اعلان
-
گلوکارہ اقبال بانو کی 15ویں برسی21اپریل کو منائی جائے گی
-
’’عشق مرشد‘‘کی آخری قسط بڑے پردے پر دکھائے جانے کا امکان
-
درفشاں سلیم ٹیلنٹ سے زیادہ قسمت سے مشہور ہوئیں، نازش جہانگیر
-
اداکارہ اقرا عزیز کے ہاں دوسرے بچے کی پیدائش کی خبریں گردش کرنے لگیں
-
مشہورپوپ سنگرکا جنوبی کوریا میں مسجد بنانے کا اعلان
-
لیجنڈری اداکار امیتابھ بچن کے مداحوں کیلئے بڑی خوشخبری آگئی
-
شاہ رخ خان کی اپنی بیٹی سوہانا کی فلم کیلئے 200 کروڑ کی سرمایہ کاری
-
رنبیرکپورکے نئے اوتار نے مداحوں کو تجسس میں ڈال دیا
-
مہوش نے بھارتی گلوکار کیساتھ نئے پراجیکٹ کی تفصیلات بتا دیں
-
اسد صدیقی کی سالگرہ پر اہلیہ کے ہمراہ رومانوی تصویر کی سوشل میڈیا پر دھوم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.