بالی وڈ کی ایوارڈ یافتہ اداکارہ شویتا باسو گرفتار

بالی وڈ(اُردو پوائنٹ اخبار تازہ ترین۔5ستمبر 2014ء) نیشنل ایوارڈ جیتے والی اداکارہ شویتا باسو اور دیگر کئی افراد کو ایک چھاپے میں گرفتار کر لیا گیا ہے۔ اداکارہ نے اعتراف کیا ہے کہ وہ پیسوں کی کمی پورا کرنے کے لئے ان برے لوگوں کے ہتھے چڑھی۔ شویتا باسو نے کہا ہے کہ اس پر گھریلو ذمہ داریاں ہیں اور بھی کئی اچھے کاموں کے لئے پیسے کی ضرورت ہے ، اور جب اس کے حصول میں اس کو مکمل طور پر ناکامی ہو گئی تو کچھ لوگوں نے اس کو برے کاموں کی ترغیب دی۔

اس کے بعد اس نے فلم اقبال میں کام کرنے کے علاوہ جنوبی بھارت کی کچھ فلموں میں کام کیا ، اور ٹی وی پر بھی چار ڈراموں میں پرفارم کیا۔ لیکن ان سب کوششوں سے اس کو کامیابی نہ مل سکی۔ اس نے یہ انکشاف کر کے اور بھی چونکا دیا ہے کہ ان برے کاموں میں اور کئی اداکارائیں ملوث ہیں۔ شویتا باسو کو خصوصی ریسکیو ہوم میں بھیج دیا گیا ہے ، جہاں پر مقدمے کی سماعت کے دوران رہے گی۔