نئی دہلی: کپڑوں کی نمائش میں پاکستانی تاجر لٹ گئے
ہفتہ 20 ستمبر 2014 14:48
نئی دہلی(اُردو پوائنٹ اخبار تازہ ترین۔20ستمبر 2014ء) پراگتی میدان میں جاری ’عالیشان پاکستان‘ کے عنوان سے تجارتی نمائش میں چور پاکستانی اسٹالز سے قیمتی ڈیزائنر کپڑے چرانے میں کامیاب ہوگئے۔ پولیس ذرائع کے مطابق نمائش میں حصہ لینے والے پاکستانی تاجروں نے 14 ستمبر کو نمائش کے آخری دن اپنے لائے ہوئے کپڑوں کی چوری کی تین ایف آئی آر درج کرائی ہیں۔
ان تینوں کیسز میں، شاہدرہ کی رہائشی ایک خاتون اور تریلوک پوری کے رہنے والے ایک مرد اور عورت کو تاجروں نے چوری کرتے ہوئے رنگے ہاتھوں پکڑا۔پہلے کیس میں لاہور کے تاجر کے مطابق ایک عورت تقریباً چار بجے کے قریب ان کے اسٹالز نمبر 8 اور 9 پر آئی، اور چھ عدد قیمتی لباس چرا لیے۔ عورت جس کا نام سپنا بتایا جاتا ہے، کو لوگوں نے رنگے ہاتھوں پکڑا، اور پھر پولیس کے حوالے کر دیا۔
(جاری ہے)
پولیس کے مطابق خاتون کا نام نرمل کور ہے، اور وہ شاہدرہ کی رہنے والی ہے۔
پولیس نے نرمل کور کی ملکیت سے کئی برانڈز کے مہنگے کپڑے برآمد کیے۔
خاتون کے مطابق اسے یاد نہیں کہ اس نے کپڑے کہاں کہاں سے چرائے ہیں۔اسی اسٹال سے کچھ دیر بعد ایک اور چوری کی اطلاع موصول ہوئی۔ ایک شخص کی ملکیت سے مختلف پاکستانی برانڈز کے کئی کپڑے برآمد ہوئے، لیکن تاجروں کی جانب سے پوچھ گچھ پر وہ خریداری کے بل دکھانے میں ناکام رہا۔ تھوڑی دیر بعد اس نے قبول کیا کہ کپڑے اس نے چرائے تھے۔ اس شخص کی شناخت شاہدرہ کے رہائشی وکاس کے نام سے ہوئی ہے۔
نئی دہلی کے ایڈیشنل کمشنر پولیس، ایس بی ایس تیاگی کے مطابق پولیس کو انڈین ٹریڈ پروموشن آرگنائیزیشن کی جانب سے چوری کے واقعات کے بارے میں کوئی شکایت نہیں ملی ہے۔
تاہم ایک سینیئر پولیس افسر نے نام ظاہر نہ کرنے کی شرط پر بتایا کہ ایسی نمائشوں میں ہزاروں لوگ اسٹالز پر آتے ہیں، اس لیے اسٹال مالکان کو اپنے سامان کی حفاظت خود کرنی چاہیے، تاکہ کوئی بھی چور ہجوم کا فائدہ نہ اٹھا سکے۔
عالیشان پاکستان نمائش کی آرگنائیزر اور فیشن پاکستان کی چیئرپرسن صنم چوہدری کے مطابق انہیں ان ایف آئی آرز کے بارے میں علم نہیں ہے۔
انہوں نے کہا کہ "نمائش میں ایک اسٹال میرا بھی تھا، اور سیکیورٹی اچھی تھی، لیکن اس کو مزید سخت کیا جاسکتا تھا، میں صرف اتنا جانتی ہوں کہ FNKAsia کی ڈیزائنر ہما عدنان کی کچھ جیولری گم ہوئی ہے"۔
کراچی کے ڈیزائنر لیبل FNKAsia کی ہما عدنان نے اس بات کی تصدیق کی کہ انہیں نمائش میں نقصان ہوا ہے۔
انہوں نے بتایا کہ ایک سیاہ رنگ کی پائل، جس کی قیمت پندرہ ہزار روپے تھی، نمائش کے دوسرے دن غائب ہوگئی۔
انہوں نے کہا "میں ایف آئی آر درج کروانا چاہتی تھی، لیکن پھر میں نے نہیں کرائی"۔
ہما عدنان کی کلیکشن کو بہت پذیرائی حاصل ہوئی، انہوں نے امید ظاہر کی کہ اگلی دفعہ انتظامات مزید بہتر ہوں گے۔
متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.