پاکستانی فلم”8969“ کا ٹیزر ٹریلر جاری کردیا گیا

ہفتہ 27 ستمبر 2014 12:28

پشاور (اُردو پوائنٹ اخبار تازہ ترین۔27ستمبر۔2014ء)جلد آنے والی پاکستانی فلم”8969“ کا ٹیزر ٹریلر جاری کردیا گیا جس میں صبا قمر ہی نمایاں ہیں۔عظیم سجاد کی ہدایات میں بننے والی اس فلم میں صبا قمر، حسین ٹیوانا، صدف حمید، عظیم سجاد اور انعم ملک سمیت دیگر اسٹارز کام کر رہے ہیں۔سجاد کو انٹرٹینمنٹ صنعت میں دو دہائیوں سے زائد عرصہ ہوگیا ہے اور انہیں نے زیادہ تر پشتو ٹی وی ڈرامے ہی ڈائریکٹ کیے ہیں، خاص طور پر اے وی ٹی خیبر پر نشر ہونے والا زا پختون یم (میں پختوں ہوں) کافی مشہور ہوا۔

فلم 8969 کے مختصر ٹریلر میں فلم کی کہانی کو زیادہ بیان نہیں کیا گیا تاہم یہ ایک مرڈر مسٹری نظر آتی ہے جس میں رومانوی پہلو بھی شامل ہے۔یہ خبریں بھی گردش کر رہی ہیں کہ صبا قمر نے اس فلم میں ایک آئٹم نمبر مستانی بھی کیا ہے تاہم اداکار نے اس کی تردید کی ہے۔

(جاری ہے)

ایک انٹرویو میں انہوں نے کہا کہ جب میں ڈراموں میں کام کرتی ہوں تو گھریلو خواتین میرے ساتھ جڑ جاتی ہیں، مجھے نہیں لگتا اگر میں نے کسی آئٹم سانگ میں کام کیا تو میرے بارے میں پہلے جیسا سوچا جائے گا۔

انہوں نے مزید کہا کہ مہوش حیات اور حمیمہ ملک کو بھی آئٹم نمبرز پر اس طرح کے مسائل کا سامنا کرنا پڑا ہے تاہم ان کے اس بیان کے بعد ہی مستانی گانے کی وڈیو آن لائن آگئی۔اگرچہ ابھی کسی نتیجے پر پہنچا نہیں جاسکتا تاہم 8969 زیادہ متاثر کن نظر نہیں آتی۔

Facebook Twitter Google + Share on Whatsapp

پاکستانی فلم”8969“ کا ٹیزر ٹریلر جاری کردیا گیا

مزید فن و فنکار کی خبریں