وزیر اعلیٰ پنجاب نے سانحہ ملتان کی رپورٹ طلب کر لی

ہفتہ 11 اکتوبر 2014 12:34

ملتان(اُردو پوائنٹ اخبار تازہ ترین۔11اکتوبر 2014ء) ملتان میں تحریک انصاف کے جلسے کے بعد مچنے والی بھگڈر نے سانحے کو جنم دے دیا ۔ دم گھٹنے سے سات افراد جاں بحق ہوگئے ، سینتیس افراد کو حالت غیر ہونے پر نشتر ہسپتال منتقل کر دیا گیا ۔ وزیر اعلیٰ پنجاب نے واقعہ کی رپورٹ طلب کرلی ہے ۔ تحریک انصاف کے جلسے کے اختتام پر شرکاء نے ابن قاسم سٹیڈیم کے حسین آگاہی گیٹ سے نکلنے کی کوشش کی ، رش زیادہ ہونے کے باعث لوگ پھنس گئے ، بھیڑ میں پھنسے لوگ مدد کیلئے بھی پکارتے رہے ۔

(جاری ہے)

امدادی ٹیموں اور تحریک انصاف کے کارکنوں نے انہیں نکالنے کی کوشش کی تاہم متعدد افراد دم گھنٹے سے موت کے منہ میں چلے گئے ، بھگڈر کے باعث کئی افراد بے ہوش بھی ہوئے ، جنہیں لوگوں نے اپنی مدد آپ کے تحت ہوش میں لانے کی کوشش کی ۔ حالت غیر ہونے پر انہیں نشتر ہسپتال منتقل کر دیا گیا ، ہسپتال انتظامیہ کے مطابق سینتیس افراد زیر علاج ہیں ۔ دوسری جانب وزیر اعلیٰ پنجاب شہبازشریف نے واقعہ پر افسوس کا اظہار کرتے ہوئے ملتان انتظامیہ سے رپورٹ طلب کرلی ہے ۔ انہوں نے زخمیوں کو بہترین طبی امداد فراہم کرنے کی ہدایت بھی کی ۔

Facebook Twitter Google + Share on Whatsapp

وزیر اعلیٰ پنجاب نے سانحہ ملتان کی رپورٹ طلب کر لی

متعلقہ عنوان :

مزید اہم خبریں