وزیراعلیٰ پنجاب سے ناروے کے سفیر کی ملاقات،مختلف شعبوں میں تعاون پر تبادلہ خیال، پنجاب پولیس کو جدید تربیت دینے کی پیشکش
جمعرات 23 اکتوبر 2014 17:20
لاہور ( اُردو پوائنٹ اخبار تازہ ترین۔23 اکتوبر۔2014ء) وزیراعلی پنجاب محمد شہباز شریف سے پاکستان میں ناروے کے سفیر لیف ایچ لارسن نے ملاقات کیجس میں باہمی دلچسپی کے امور، دو طرفہ تعلقات کے فروغ اور مختلف شعبوں میں تعاون بڑھانے پر تبادلہ خیال کیا گیا۔ اس موقع پر ناروے کے سفیر نے پنجاب پولیس کو جدید تربیت دینے کی بھی پیشکش کی ۔وزیراعلی محمد شہباز شریف نے ناروے کے سفیر سے گفتگو کرتے ہوئے کہا کہ پاکستان اور ناروے کے درمیان اچھے دوستانہ تعلقات موجود ہیں۔
ناروے میں اوورسیز پاکستانیوں کی ایک بڑی تعداد قیام پذیر ہے۔ انہوں نے کہا کہ پاکستان اور ناروے کے درمیان تجارتی تعلقات کو مزید فروغ دینے کی ضرورت ہے۔ناروے کا پاکستان میں صحت عامہ کی سہولتوں کی بہتری اور دیگر سماجی شعبوں میں تعاون لائق تحسین ہے۔(جاری ہے)
ناروے کے سرمایہ کار ہائیڈرو پراجیکٹس، زراعت، ڈیری فارمنگ اور دیگر شعبوں میں تعاون کو مزید فروغ دے سکتے ہیں ۔
انہوں نے کہا کہ پاکستان پرامن ملک ہے اور ہمسایہ ممالک سے اچھے تعلقات کا خواہاں ہے۔پاک افواج شمالی وزیرستان میں امن کے دشمنوں کے خلاف کامیاب آپریشن کر رہی ہیں اور پوری قوم پاک افواج کے ساتھ کھڑی ہے۔ انہوں نے کہا کہ ناروے کی جانب سے پولیس کو جدید تربیت دینے کی پیشکش کا خیرمقدم کرتے ہیں۔ اس موقع پر ناروے کے سفیر لیف ایچ لارسن نے کہا کہ ہم پاکستان خصوصا پنجاب کے ساتھ مختلف شعبوں میں تعلقات کو فروغ دینا چاہتے ہیں، دونوں ملکوں کے درمیان معاشی اور تجارتی تعلقات کا فروغ وقت کی ضرورت ہے ۔ انہو ں نے کہا کہ وزیراعلی محمد شہباز شریف کی قیادت میں پنجاب نے بے مثال ترقی کی ہے اور صوبہ پنجاب میں ترقی کی رفتار دیکھ کر خوشی ہوئی ہے۔ صوبائی وزیر ہاؤسنگ تنویر اسلم ملک، سیکرٹریز ہاؤسنگ، صنعت ، چیف ایگزیکٹو آفیسر پنجاب سرمایہ کاری بورڈ اور متعلقہ حکام بھی اس موقع پر موجود تھے۔متعلقہ عنوان :
مزید اہم خبریں
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
وفاقی وزیر داخلہ محسن نقوی کا کچے کے علاقے میں مشترکہ آپریشن کرنے کا فیصلہ
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
-
اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.