ڈاکٹر طاہرالقادری کا پاکستان عوامی تحریک کی اوورسیز تنظیموں کو بحال کرنے کیلئے بیرون ممالک کے دورے کرنے کا اعلان
ہفتہ 25 اکتوبر 2014 20:00
لاہور(اُردو پوائنٹ اخبار تازہ ترین۔25اکتوبر 2014ء) پاکستان عوامی تحریک کے سربراہ ڈاکٹر طاہرالقادری نے بیرون ممالک کے دورے کرنے کا اعلان کرتے ہوئے کہا ہے کہ میرا جینا مرنا اب پاکستان میں ہی ہے اگر سو مرتبہ بھی باہر جاؤں واپس اپنی عوام میں ہی آؤں گا ، دھرنا ختم کرنے کے لئے حکومت سے ڈیل ، وزیراعظم اور وزیراعلیٰ پنجاب سے ملاقاتوں میں کسی قسم کی کوئی صداقت نہیں ،دھرنوں کے ذریعے عوام میں شعور بیدار کرکے انقلاب تحریک کو اسلام آباد سے پورے ملک تک وسیع کردیا ہے ،عوامی تحریک آئندہ ہونیوالے کسی بھی ضمنی انتخابات میں حصہ لے گی۔
ان خیالات کا اظہار انہوں نے گزشتہ روز ہری پور حسن ابدال جلسے اور دھرنے سے لاہور پہنچنے پر اپنی رہائشگاہ پر صحافیوں سے گفتگو کرتے ہوئے کیا۔(جاری ہے)
ڈاکٹر طاہرالقادری نے کہا کہ ہم ملک بھر میں جلسے اور دھرنوں کا اعلان کررکھا ہے میں کینیڈا سے ملک و قوم کی تقدیر بدلنے کیلئے آیا ہوں میرے مستقل باہر جانے کی اب کوئی گنجائش باقی نہیں تاہم پاکستان عوامی تحریک کی اوورسیز تنظیموں کو بحال کرنے کیلئے جیسے ہی ملک میں جاری جلسے جلوسوں اور دھرنوں سے فرصت ملا کرے گی بیرون ممالک کے دورے کیا کروں گاتاہم اگر میں سو مرتبہ بھی باہر جاؤں واپس اپنی عوام میں ہی آؤں گا کیونکہ میرا جینا مرنا اب پاکستان میں ہی ہے ۔
انہوں نے کہا کہ اعتراض اور مخمصہ پیدا کرنیوالے عوام کو پریشان نہ کریں میرا اور عوام کا چولی دامن کا ساتھ ہے اور لوگوں کے اعتماد کو میں نے کبھی بھی ٹھیس نہیں پہنچائی اب بھی قوم کو آگاہ کرکے جاؤں گا۔ انہوں نے کہا کہ عوامی تحریک ملک بھر میں ہونیوالے ضمنی انتخابات میں بھرپور حصہ لے گی ۔ ایک سوال کے جواب میں انہوں نے کہا کہ ڈیل کی خبروں میں کوئی صداقت نہیں انقلاب برپا کرکے رہوں گا ۔کرپٹ نظام تباہی کے دھانے پر کھڑا ہے عوام باشعور ہوچکے ہیں ہمارے جلسے جلوسوں کے ذریعے عوام نے تقویت پکڑ لی ہے ۔انہو ں نے کہا کہ عوامی تحریک کو ملک کی سب سے بڑی جماعت بنائیں گے اس ضمن میں بھرپور اقدامات کررہے ہیں۔ انہوں نے کہا کہ آئندہ کا لائحہ عمل طے کرنے کیلئے اتحادی جماعتوں کا اجلاس طلب کرلیا ہے جس میں بھکر، کراچی وغیرہ کے جلسوں بارے بھی مشاورت کی جائے گی ۔ ایک اور سوال کے جواب دیتے ہوئے ڈاکٹر طاہر القادری نے کہا کہ پاکستان عوامی تحریک نے سٹیٹس کو کو توڑ دیا ہے اسی بناء پر آج لاکھوں لوگ ہماری کال پر لبیک کہتے ہوئے آنا فانا شامل ہوجاتے ہیں اور جو لوگ مالی اور دیگر مجبوریوں سمیت اسلام آباد دھرنے میں شرکت نہیں کرسکے ان لوگوں کے پاس جاکر گرتی ہوئی دیوار کو دھکا لگانے کیلئے پیغام دیکر تحریک کو موثر بنایا جارہا ہے ۔ انہوں نے کہا کہ اب عوامی انقلاب کے سامنے کوئی دیوار کھڑی نہیں کرسکتا۔قبل ازیں پاکستان عوامی تحریک کے قائد ڈاکٹر طاہر القادری کے ماڈل ٹاؤن میں اپنی رہائشگاہ پہنچنے پر کارکنوں نے ان کو پرجوش استقبال کیا اور پھولوں کی پتیاں نچھاور کیں ۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.