مظفر گڑھ میں پولیس مقابلہ ، تین ڈاکو ہلاک ، ایک کو پکڑ لیا گیا

اتوار 26 اکتوبر 2014 12:46

مظفر گڑھ میں پولیس مقابلہ ، تین ڈاکو ہلاک ، ایک کو پکڑ لیا گیا

مظفر گڑھ (اُردو پوائنٹ اخبار تازہ ترین۔26اکتوبر۔2014ء) مظفر گڑھ میں ڈاکوﺅں اور پولیس کے مابین مقابلے کے نتیجے میں 3 ڈاکو ہلاک ہوگئے جبکہ ڈاکوﺅں کے ایک ساتھی کو گرفتار کر لیا گیا ۔ ڈاکو پٹرول پمپ لوٹ کر فرار ہونے کی کوشش کر رہے تھے ۔

(جاری ہے)

مظفر گڑھ میں بھٹہ پور بائی پاس کے قریب بستی پنجے والی میں صبح 5 ڈاکوﺅں نے 3 گھروں کو لوٹنے کے بعد پٹرول پمپ پر لوٹ مار میں مصروف تھے کہ اہل علاقہ نے پولیس کو اطلاع کر دی جس کے بعد پولیس کی بھاری نفری نے تمام علاقے کو گھیرے میں لے لیا اور پولیس سے مقابلے کے بعد 3 ڈاکو موقع پر ہلاک ہو گئے جبکہ ان کے 2 ساتھی فرار ہونے میں کامیاب ہو گئے ۔

ہلاک ہونے والے ڈاکوﺅں سے اسلحہ اور دوربین اور دیگر سامان برآمد ہوا ہے جبکہ پولیس نے پانچوں ڈاکوﺅں کو لیکر آنے والی کار اور اس کے ڈرائیور کوبھی اپنی حراست میں لے لیا ہے ۔ ڈی پی او کیمطابق ڈاکوﺅں کا تعلق ملتان سے ہے اور ڈاکوﺅں کے کار ڈرائیور سے تفتیش کی جائے گی ۔

متعلقہ عنوان :