تمام اہم علاقے کلیئر ہو چکے ہیں، پاک سرزمین کسی صورت دہشتگردی کیخلاف استعمال نہیں ہونےدینگے،پاک فوج
بدھ 29 اکتوبر 2014 14:52
پشاور(اُردو پوائنٹ اخبار تازہ ترین۔29اکتوبر 2014ء) پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان ایجنسی میں پاک فوج کا ملک دشمنوں کے خلاف آپریشن ضرب عضب کامیابی سے جاری ہے، اپنی سرزمین کسی دہشت گرد کارروائی کیلئے استعمال نہیں ہونے دیں گے، تمام دہشت گردوں کے خلاف بلا تفریق کارروائی جاری ہے۔ پشاور کور ہیڈ کواٹرز میں آپریشن ضرب عضب اور خیبر ون سے متعلق میڈیا بریفنگ میں ڈی جی آئی ایس پی آر میجر جنرل عاصم سلیم باجوہ کا کہنا تھا کہ آپریشن ضرب عضب کامیابی سےجاری ہے، دتہ خیل سےآگےکاعلاقہ کلیئرکیاجارہاہے، جب کہ میرعلی،میرانشاہ،رزمک ، اسپین وام کےعلاقےکلئیرہو چکےہیں،مرکزی سڑکیں اور آبادی والے علاقوں کو کلئیر کرلیا گیا ہے، تاہم خراب موسم کے باعث آج اکا خیل میں کارروائی نہیں کی جاسکی۔
(جاری ہے)
افغانستان میں موجود کالعدم تحریک طالبان پاکستان کے دہشت گردوں اور ان کی کارروائیوں سے متعلق آئی ایس پی آر کا کہنا تھا کہ ضرب عضب کیلئےافغان حکومت سےتعاون کرنےکوکہاتھا، مگر افغانستان نےآپریشن میں کسی قسم کاتعاون نہیں کیا، انہوں نے ایک بار پھر اس بات کو واضح کرتے ہوئے کہا کہ پاک سرزمین کسی بھی قسم کی دہشت گردی کیلئے استعمال کرنے کی اجازت نہیں دی جائے گی، افغان صوبے کنٹر اور نورستان میں قائم ٹی ٹی پی کی پناہ گاہیں اور ہاں موجود کالعدم طالبان کی قیادت فضل اللہ کی سربراہی میں پاکستانی فوجیوں اور سرزمین پر دہشت گرد کارروائیوں میں ملوث ہے۔
کنٹر اور نورستان میں قائم کالعدم ٹی ٹی پی کی پناہ گاہوں میں پاکستان پر ہونے والے حملوں کی منصوبہ بندی کی جاتی ہے۔کالعدم طالبان کے ذیلی دھڑو ں سے دوبارہ مذاکرات سے متعلق پوچھے گئے سوال کے جواب میں ڈی جی آئی ایس پی آر کا کہنا تھا کہ میری اطلاعات میں ایسا کوئی سرکاری سطح پر جرگہ نہیں جو کالعدم طالبان سے مذکرات کیلئے بھیجا گیا ہو، سرکاری سطح پر آپریشن کے دوران بات چیت یا جرگہ کا کوئی سلسلہ نہیں۔
انہوں نے عوام سے اپیل کرتے ہوئے کہا کہ مشتبہ افرادیاسرگرمی نظرآئےتوپولیس،ایف سی کوآگاہ کریں، جب کہ محرم الحرام کی سیکیورٹی سے متعلق میجر جنرل عاصم سلیم باجوہ کا کہنا تھا کہ صوبائی حکومت نےمحرم کیلئےسیکیورٹی پلان تشکیل دیاہے،کےپی کےکی درخواست پرجہاں ضرورت ہوئی فوج جائیگی، جب کہ ملک بھر میں محرم الحرام میں 134حساس علاقوں کیلئےفوج بھیجنےکی درخواست کی گئی ہے۔ س
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.