پاک بھارت مذاکرات کسی ایک نہیں دونوں ممالک کے مفاد میں ہیں :دفتر خارجہ
جمعرات 6 نومبر 2014 16:10
اسلام آباد(اُردو پوائنٹ اخبار تازہ ترین۔6نومبر 2014ء) پاکستان نے بھارتی وزیر دفاع ارون جیٹلی کے مذاکراتی عمل کے حوالے سے بیان کو ناقابل قبول قرار دے دیا ۔ ترجمان دفتر خارجہ تسنیم اسلم کہتی ہیں کشمیری حریت پسند دہشتگرد نہیں ، پاک بھارت مذاکرات کسی ایک ملک کا دوسرے پر احسان نہیں ، دونوں ممالک کی ضرورت ہیں ۔ دفتر خارجہ اسلام آباد میں ہفتہ وار میڈیا بریفنگ کے دوران ترجمان تسنیم اسلم نے بتایا کہ وزیراعظم نواز شریف آٹھ نومبر کو چین کا دورہ کریں گے ، وزیر اعظم ایشیاء پیسفک ڈائیلاگ میں پاکستانی وفد کی سربراہی کرینگے ۔
چینی قیادت سے ملاقاتیں بھی طے کرلی گئی ہیں ۔ ترجمان کا کہنا تھا کہ وزیر اعظم کے دورہ چین کے دوران متعدد معاہدوں اور یادداشتوں پر دستخط ہونگے جن میں چند معاہدے ایسے بھی ہیں جن پر چینی صدر کے دورہ پاکستان کے دوران دستخط ہونا تھے ۔(جاری ہے)
ترجمان دفتر خارجہ نے بھارتی وزیر دفاع ارون جیٹلی کی جانب سے پاکستان کو مذاکرات کیلئے بھارت یا حریت رہنماؤں میں سے کسی ایک کا انتخاب کرنے کے بیان کو ناقابل قبول قرار دیتے ہوئے کہا کہ پاک بھارت مذاکرات کسی ایک ملک کا دوسرے پر احسان نہیں ہے ۔
تسنیم اسلم نے بتایا کہ آرمی چیف جنرل راحیل شریف کا دورہ افغانستان دو طرفہ تعلقات میں بہتری اور دفاعی تعاون کے فروغ کے سلسلے میں ہے ، ایک سوال پر تسنیم اسلم کا کہنا تھا کہ امریکی محکمہ دفاع کی رپورٹ پر تحفظات سے امریکی سفیر کو آگاہ کیا ہے ، واضح کر چکے ہیں کہ آپریشن ضرب عضب بلا تفریق جاری ہے ، موجودہ صورتحال میں ایسے الزامات قابل قبول نہیں ۔ انہوں نے کہا کہ سانحہ واہگہ باڈر پر بھارتی قیادت سے منسلک مذمتی بیان دیکھا ہے، تاہم سرکاری و سفارتی چینلز سے واقعے کی مذمت یا تعزیتی پیغام نہیں ملا ۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.