پاکستانی بلے بازوں نے ٹیسٹ کرکٹ میں نئی تاریخ رقم کردی
پیر 10 نومبر 2014 17:33
ابو ظہبی(اُردو پوائنٹ اخبار تازہ ترین۔10نومبر 2014ء) پاکستانی کرکٹ ٹیم کی جانب سے نت نئے ریکارڈز بنانے کا سلسلہ جاری ہے اور ابو ظہبی میں نیوزی لینڈ کے خلاف جاری پہلے ٹیسٹ میچ میں پاکستانی بلے بازوں نے نئی تاریخ رقم کردی ہے۔ ناقص بلے بازی کے لیے مشہور پاکستانی بیٹسمین ان دنوں بھرپور فارم میں ہیں اور انہوں نے آسٹریلیا کے بعد نیوزی لینڈ کے خلاف بھی ریکارڈ بنانے کا سلسلہ جاری رکھا ہوا۔ ابو ظہبی ٹیسٹ میں نیوزی لینڈ کے خلاف پاکستان کے ابتدائی پانچوں بلے بازوں نے 80 رنز سے زائد اسکور کیے جو ایک عالمی ریکارڈ ہے۔ اس سے قبل کسی بھی ٹیم کے ابتدائی پانچوں بلے بازوں نے کسی بھی اننگ میں یہ کارنامہ انجام نہیں دیا۔
(جاری ہے)
پاکستان کی جانب سے محمد حفیظ نے 96، احمد شہزاد نے 176، اظہر علی نے 87 جبکہ یونس خان اور مصباح الحق بھی اسی رنز سے زائد اسکور کر چکے ہیں۔
اس کے علاوہ پاکستانی بلے بازوں نے ایک قومی ریکارڈ بھی قائم کردیا جہاں پاکستان کرکٹ کی تاریخ میں پہلی مرتبہ پہلی اور دوسری وکٹ کے لیے 150 رنز سے زائد کی شراکت قائم ہوئی۔ ممد حفیظ اور احمد شہزاد نے پہلی وکٹ کے لیے 178 رنز جوڑے جبکہ دوسری وکٹ کے لیے احمد اور اظہر علی کے درمیان 169 رنز شراکت قائم ہوئی جو اپنے آپ میں ایک ریکارڈ ہے۔ اس کے ساتھ ساتھ یہ پانچواں موقع ہے کہ جب کسی ٹیسٹ کی ایک اننگ میں پاکستان کے ابتدائی پانچ بلے بازوں نے نصف سنچری اسکور کی ہو۔ اس سے قبل چار مواقعوں میں ایسا ہو چکا ہے جہاں ہندوستان کے خلاف پاکستانی کھلاڑیوں نے دو مرتبہ یہ کارنامہ انجام دیا۔متعلقہ عنوان :
مزید کھیلوں کی خبریں
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
بسمہ معروف کا کرکٹ سے فوری ریٹائرمنٹ کا اعلان
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.