ڈپٹی اسپیکر سندھ اسمبلی، شہلا رضا کی گاڑی بم سے اڑانے کی دھمکی

منگل 11 نومبر 2014 12:25

کراچی(اُردو پوائنٹ اخبار تازہ ترین۔11نومبر 2014ء) ڈپٹی اسپیکر سندھ اسمبلی شہلا رضا کو دھمکی آمیز خط موصول، اسپیکر سندھ اسمبلی کو معاملے سے آگاہ کردیا۔ تفصیلات کے مطابق پاکستان پیپلز پارٹی سے تعلق رکھنے والی ڈپٹی اسپیکر شہلا رضا کو ایک گمنام خط کے ذریعے دھمکی موصول ہوئی ہےکہ ان کی گاڑی کو بم کے ذریعے نشانہ بنایا جائے گا۔

(جاری ہے)

اب سے کچھ عرصہ قبل بھی شہلا رضا کے ساتھ ایک اچنبھا خیز واقعہ پیش آچکا ہے کہ جب ان کے گھر کے پورچ میں ان کی گاڑٰی پرنامعلوم سمت سے گولیاں آکرلگی تھیں۔

شہلا رضا نے اسپیکر سندھ اسمبلی آغا سراج درانی کو حالیہ واقعے سے آگاہ کرتے ہوئے حکومت کی جانب سےبم پروف گاڑی مہیا کرنے کا مطالبہ کیا ہے۔آغا سراج درانی نے ڈپٹی اسپیکر کو یقین دہانی کرائی ہے کہ اس معاملے کو انتہائی سنجیدگی کے ساتھ برتا جائے گا اور شہلا رضا کی جانب سے طلب کی گئی بم پروف گاڑی کے مطالبے پر بھی غور کیا جائےگا۔