پاکستان میں عام انتخابات 2013ء پرامن طریقے سے منعقد ہوئے،جاپانی قونصل جنرل
منگل 11 نومبر 2014 17:15
خیرپور(اُردو پوائنٹ تاز ترین اخبار۔ 11نومبر 2014ء) کراچی میں تعینات جاپان کے قونصل جنرل اکیرہ اوچی نے کہا ہے کہ پاکستان میں عام انتخابات 2013ء پرامن طریقے سے منعقد ہوئے اور حکومت کے انتقال اقتدار کا مرحلہ جمہوری طریقہ سے روبہ عمل میں آیا، جاپان نے پاکستان کے عام انتخابات 2013ء میں اپنا مشن بھیجا تھا۔ جاری کردہ اعلامیہ کے مطابق ان خیالات کا اظہار انہوں نے شاہ عبداللطیف یونیورسٹی خیرپور کے دورے کے دوران شعبہ بین الاقوامی تعلقات کے طلبہ و طالبات کو جاپان کی سفارت کاری اور اس کے بین الاقوامی اعانت کے موضوع پر ایک تفصیلی لیکچر کے دوران کیا۔
قونصل جنرل اکیرہ اوچی نے کہا کہ جاپان ہمیشہ جمہوری قوتوں کی حوصلہ افزائی کرے گا۔ لیکچر دیتے ہوئے جاپانی قونصل جنرل نے پاکستان اور جاپان کے باہمی روابط پر روشنی ڈالتے ہوئے کہا کہ پاکستان اور جاپان کے تعلقات ہمیشہ سے ہی برادرانہ رہے ہیں، پاکستان اور جاپان نے اپریل 1952ء میں اپنے سفارتی تعلقات کا آغاز کیا۔(جاری ہے)
انہوں نے کہا کہ جاپان کی موجودہ پالیسی بین الاقوامی امن پر مربوط ہے، جاپان دوسری جنگ عظیم کے بعد امن سے محبت کرنے والا ملک رہا ہے۔
انہوں نے کہا کہ انہی وجوہات کی بنا پر جاپان عالمی برادری میں امن پسند ملک کے طور پر جانا گیا ہے۔ انہوں نے کہا کہ پاکستان کیلئے جاپان کی خدمات قابل ذکر ہیں۔ 1954ء سے اب تک جاپان نے آفیشل ڈیولپمنٹ اسسٹنس (او ڈی اے) کے تحت پاکستان کی تعلیم، صحت، ماحولیات، واٹر سپلائی، زراعت، ٹرانسپورٹیشن اور انفرااسٹرکچر کے میدان میں قرض فراہم کئے ہیں جن کی مالیت سال 2012ء تک 6.67 بلین امریکی ڈالرز ہے۔ آکیرہ آچی نے کہا کہ پاکستان میں ترقی کے وسیع مواقع موجود ہیں، پاکستان قدرتی وسائل کوئلے اور کاپر کے ساتھ ساتھ افرادی قوت کا حامل ملک ہے، یہ قوت پاکستان کے روشن مستقبل کی ضمانت ہے۔ انہوں نے کہا کہ معاشی ترقی کیلئے سائنس اور ٹیکنالوجی کی تعلیم نہایت ضروری ہے۔ جاپان کے قونصل جنرل نے کہا کہ شاہ عبد اللطیف یونیورسٹی خیرپور کے طلبہ و طالبات کو اعلیٰ تعلیم کیلئے جاپان میں مواقع فراہم کئے جائیں گے۔ پرووائیس چانسلر شکارپور کیمپس پروفیسر ڈاکٹر لطف اللہ منگی سربراہ شعبہ بین الاقوامی تعلقات پروفیسر ڈاکٹر عبدالمجید چانڈیو نے مہمان مقرر اور اساتذہ کا لیکچر پروگرام میں شرکت کرنے پر شکریہ ادا کیا۔ اس موقع پر قونصل جنرل نے طلبہ و طالبات کے سوالات بھی کے جوابات دیئے۔ علاوہ ازیں قونصل جنرل نے یونیورسٹی میں قائم آرکیالاجی اور ایتھروپولاجی میوزیم کا دورہ کیا اور سندھ اور پاکستان کے آثار قدیمہ میں گہری دلچسپی ظاہر کی۔ لیکچر پروگرام میں قونصل برائے کلچرل اور پبلک افیئرز جاپانی قونصل ہیروکو سوچیا، پروفیسر مونس ایاز شیخ، امددا حسین چانڈیو، غلام مصطفےٰ بلیدی، سرفراز علی کوریجو، عشرت علی میرانی، لیاقت علی چانڈیو، اساتذہ اور طلبہ و طالبات نے بڑی تعداد میں شرکت کی۔متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.