دھرنوں نے ہماری حکومت کو جھنجھوڑ دیا ،ہمیں اپنی کوتاہیوں کو دور کرنے کا ایک اور موقع مل گیا ہے، وزیر داخلہ
منگل 11 نومبر 2014 18:46
اسلام آباد (اُردو پوائنٹ اخبار تازہ ترین۔11نومبر 2014ء) وزیر داخلہ چوہدری نثار علی خان نے کہا ہے کہ دھرنوں نے ہماری حکومت کو جھنجھوڑ دیا ہے اور ہمیں اپنی کوتاہیوں کو دور کرنے کا ایک اور موقع مل گیا ہے تاہم یہ چند ماہ کی مہلت ہے اور ہم اپنا احتساب کرکے وہ سوراخ بند کر سکتے ہیں جن سے ہماری حکومت عدم استحکام کا شکار ہو۔ صحافیوں کے ایک مخصوص گروپ سے ملاقات کے دوران بات چیت کرتے ہوئے انہوں نے کہا کہ گڈ گورننس کے ذریعے جمہوری نظام کو لاحق خطرات ٹالے جاسکتے ہیں۔
ایک سوال کے جواب میں انہوں نے کہاکہ ڈاکٹر طاہر القادری کی طرف سے دھرنا ختم کرنے کے بعد عمران خان کے دھرنے کا کوئی جواز نہیں رہتا حکومت نے تو دھرنا ختم کرنے کیلئے اس وقت طاقت استعمال نہیں کی جب اس کی ضرورت تھی ہم نے برداشت ‘ تحمل اور بردباری سے کام لیا ہے۔(جاری ہے)
ہمیں امید ہے کہ عمران خان بھی دھرنے کی سیاست ترک کرکے مذاکرات کی میز پر بیٹھ جائیں گے۔
پیپلزپارٹی سے ان کے اختلافات کے بارے میں سوال کیا گیا تو انہوں نے مسکراتے ہوئے کہا کہ یہ بات کسی سے ڈھکی چھپی نہیں کہ دھرنے میں پیپلزپارٹی نے جو احسانات کئے ہیں حکومت ان کے بوجھ تلے دبی ہوئی ہے انہوں نے کہا کہ جمہوری پاکستان کا مستقبل مستحکم ہے اور ملک میں جمہوریت جڑیں پکڑ رہی ہے ایک سوال کے جواب میں چوہدری نثار علی خان نے کہا کہ جنرل ریٹائرڈ عبدالوحید کاکڑ کے بعد جنرل ریٹائرڈ اشفاق کیانی دوسرے جرنیل تھے جنہوں نے فوج کی پیشہ وارانہ صلاحیتوں میں بہتری لانے پر توجہ دی اور موجودہ آرمی چیف بھی ایک پیشہ ور سپہ سالار ہیں ۔ جب ان سے پوچھا گیا کہ دھرنوں کے پس پردہ عناصر کون ہیں تو انہوں نے کہا کہ وہ لوگ خود بخود عوام کے سامنے بے نقاب ہورہے ہیں اور وقت گزرنے کے ساتھ ساتھ مزید لوگ بے نقاب ہوجائیں گے ایک اور سوال پر وزیر داخلہ نے کہا کہ دھرنے والوں کا ہدف حکومت گرانا نہیں تھا بلکہ وہ حکومت کو اس حد تک کمزور کرنا چاہتے تھے کہ وہ قوت فیصلہ سے محروم ہوجائے اور وہ دو تہائی اکثریت کے حامل وزیراعظم کو کمزور کرنا چاہتے تھے لیکن اپنے مقاصد میں مکمل طور پر کامیاب نہیں ہوسکے تاہم انہوں نے حکومت کو جھنجھوڑ دیا ہے اور ہمیں کم سے کم وقت میں اپنی کارکردگی بہتر بنانا ہوگی۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.