![UrduPoint](https://photo-cdn.urdupoint.com/daily/images/Logos/up-logo-mobile-ur.png)
وزیر مملکت پانی و بجلی کی حیدرآباد میں کھلی کچہری ، عوام نے زائد بلنگ پرشکایات کے انبار لگادیئے‘ عابد شیر علی نے موقع پر متعددایکسینز اور ایس ڈی اوز کو معطل کردیا ، صارفین کے مسائل کے حل تک چین سے نہیں بیٹھیں گے،وزیر مملکت برائے پانی و بجلی کاکھلی کچہری سے خطاب ،وزیر مملکت کی حیدرآباد آمد کے موقع پر واپڈا ہائیڈرو ورکرز یونین اور تحریک انصاف کے واپڈا کی ممکنہ نجکاری کیخلاف احتجاجی مظاہرے ،گو نواز گو کے نعرے
بدھ 19 نومبر 2014 20:47
![وزیر مملکت پانی و بجلی کی حیدرآباد میں کھلی کچہری ، عوام نے زائد بلنگ ..](https://photo-cdn.urdupoint.com/show_img_new/daily/todayNewsLive/2014/800x400/1416412933_event.jpg._2)
حیدرآباد(اُردو پوائنٹ تاز ترین اخبار۔ 19نومبر 2014ء) وزیر مملکت برائے پانی و بجلی عابد شیر علی کی جانب سے حیدرآباد میں بجلی صارفین کے مسائل کے حل کے لئے منعقدہ کھلی کچہری میں عوام نے زائد بلنگ کی شکایات کے انبار لگادیئے‘ وزیر مملکت نے موقع پر متعددایکسین اور ایس ڈی اوز کو معطل کردیا‘ تفصیلات کے مطابق بجلی صارفین کی شکایات کے ازالے کیلئے وزیر مملکت عابد شیر علی نے حیدرآباد میں واٹر ونگ کالونی کے گراؤنڈ میں کھلی کچہری منعقد کی اور صارفین کے مسائل سنے‘ اس موقع پر عوام نے حیسکو کی جانب سے جاری کئے جانے والے بجلی کے زائد بلوں کی شکایات کے انبار لگادیئے‘ صارفین کا کہنا تھا کہ انہیں ہر ماہ ہزاروں روپے کے بل بھیجے جاتے ہیں اور جب متعلقہ سب ڈویژن میں شکایت کی جاتی ہے تو افسران ان کی بات تک نہیں سنتے‘ عوامی شکایات پر وزیر مملکت عابد شیر علی برہم ہوگئے اور انہوں نے خراب کارکردگی پر متعدد سب ڈویژنز کے ایکسین اور ایس ڈی اوز کو معطل کرنے کے احکامات جاری کئے‘ عابد شیر علی کا کہنا تھا کہ وہ وزیر اعظم کی ہدایت پر عوام کے مسائل حل کرنے آئے ہیں‘ وزیر مملکت نے حیسکو افسران کو ہدایت کی کہ وہ ہر ہفتے اپنے متعلقہ سب ڈویژنز میں کھلی کچہری کا انعقاد کریں اور صارفین کے مسائل 15 روز میں حل کرکے رپورٹ انہیں ارسال کی جائے بصورت دیگر غفلت کے مرتکب افسران کو معطل کردیا جائے گا‘ عابد شیر علی نے کہا کہ وزیر اعظم نے تمام وزراء کو ہدایت کی ہے کہ وہ اپنے محکموں کی کارکردگی بہتر بنائیں اور عوام میں جاکر ان کے مسائل سنیں اور انہیں حل کیا جائے تاکہ عوام کو ریلیف مل سکے‘ انہوں نے کہا کہ وہ صارفین کے مسائل حل کے لئے ہر جگہ جائیں گے اور جب تک ان کے مسائل حل نہیں ہوں گے وہ چین سے نہیں بیٹھیں گے‘ وزیر مملکت نے عوام سے اپیل کی کہ وہ بجلی چوروں کی نشاندہی کریں تاکہ ان کے خلاف کاروائی کی جاسکے اور عوام کو بجلی کی لوڈ شیڈنگ سے نجات دلائی جاسکے‘ وزیر مملکت عابد شیر علی کی حیدرآباد آمد کے موقع پر پاکستان واپڈا ہائیڈرو ورکرز یونین اور پاکستان تحریک انصاف کی جانب سے واپڈا کی ممکنہ نجکاری کے خلاف احتجاجی مظاہرے کیا گیا‘ مظاہرین نے واپڈا کی ممکنہ نجکاری اور گو نواز گو کے نعرے لگائے۔
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.