معراج عمرانی ان کے کمسن بچوں کے قاتلوں کی ہنوز عدم گرفتاری قابل مذمت ہے،بلوچستان نیشنل پارٹی
منگل 25 نومبر 2014 23:41
کوئٹہ (اُردو پوائنٹ تاز ترین اخبار۔ 25نومبر 2014ء ) بلوچستان نیشنل پارٹی کے مرکزی بیان میں کہا گیا ہے کہ مٹھڑی چیک پوسٹ کے قریب 11نومبر کو دن دیہاڑے میر معراج خان عمرانی ان کے کمسن بچوں کے قاتلوں کی ہنوز عدم گرفتاری ، کیچی بیگ میں پارٹی کے ضلعی اسد سفیر شاہوانی اور ان کے قریبی رشتہ داروں کے گھروں پر پولیس کے چھاپوں اور چاغی پروجیکٹس کے ملازمین کی عرصہ دو سال سے تنخواہوں کی بندش کی شدید الفاظ میں مذمت کرتے ہوئے کہا گیا ہے کہ میر معراج عمرانی اور ان کے کمسن بچوں کے ساتھ جو دلخراش واقعہ پیش آیا وہ قابل مذمت عمل ہے اور دن دیہاڑے ایسے واقعات کا پیش آنا اور بے دردی کے ساتھ کمسن بچوں کو قتل و غارت گری کا نشانہ بنانا اور اب تک ملازمین کی عدم گرفتاری باعث تشویش ہے امن و امان کے دعوے محض اخبارات کی زینت تو بن سکتے ہیں لیکن عملی طور پر کوئی طبقہ فکر بھی محفوظ نہیں امن و امان قائم کرنے کے دعوے جھوٹے ثابت ہو رہے ہیں دن دیہاڑے چیک پوسٹ کے قریب ایسے واقعات کا رونما ہونا اور قانون نافذ کرنے والے اداروں اور امن و امان قائم کرنے والے دعویداروں کیلئے باعث ندامت ہونا چاہئے گزشتہ روز چادر و چار دیواری کے تقدس کو پامال کرتے ہوئے پارٹی کے ضلعی رہنماء اسد سفیر شاہوانی و ان کے قریبی عزیزوں کے گھروں پر چھاپوں کی شدید الفاظ میں مذمت کرتے ہوئے کہا گیا ہے کہ ایسے واقعات کر کے پولیس خود غیر قانونی اقدامات کی مرتکب بن رہی ہے پولیس گردی روز بروز بڑھتی جا رہی ہے پارٹی کی جانب سے اس واقعے کی مذمت کرتے ہوئے کہا گیا ہے کہ پارٹی اپنے رہنماؤں کارکنوں کے ساتھ کسی بھی ناروا سلوک کو برداشت نہیں کرے گی بلکہ بلوچستان کے مثبت روایات کو کسی صورت قانون کی آڑ میں پامال کرنے کی اجازت نہیں دی جائے گی بیان میں مزید کہا گیا ہے کہ چاغی پروجیکٹ میں گزشتہ دو سالوں سے نوشکی ، دالبندین و دیگر علاقوں کے غیور بلوچ نوجوان اس پروجیکٹ میں محنت و لگن کے ساتھ خدمات سر انجام دے رہے ہیں مگر اس کے باوجود انہیں دو سال سے تنخواہوں کی ادائیگی نہ کرنا دراصل ملازمین کے معاشی قتل کے مترادف ہے پہلے ہی بلوچستان میں عوام بے روزگاری ، کسمپرسی ، بدحالی سے دوچار ہیں اور اب ایسے پالیسیوں سے نوجوانوں کو مزید مسائل کا سامنا کرنا پڑے گا ان حالات میں بلوچستان نیشنل پارٹی اپنے غیور عوام کو تنہا نہیں چھوڑے گی بلکہ ناانصافیوں پر مبنی پالیسیوں کی مذمت کرتے ہوئے عوام کو قانونی چارہ جوئی اور ہر فورم پر عوام کے احساس و جذبات اور مسائل کے حل کیلئے کوشاں ہو کر جدوجہد جاری رہے گی ۔
مزید اہم خبریں
-
لکی مروت میں شادی کی محفلِ موسیقی میں فائرنگ سے 6 افراد جاں بحق
-
وزیراعظم محمد شہباز شریف ایک روزہ دورے پر کراچی پہنچ گئے
-
وزیراعظم شہباز شریف نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان کی خدمت کرنے کا حلف لیا
-
سولر پینل بنانے والوں کو 10 سالہ مراعات دینے کی پالیسی تیار
-
سی ویو کے ساحل پر نوجوان کی مبینہ خودکشی کا ڈراپ سین ،نوجوان گھر واپس پہنچ گیا
-
سائفر کیس میں سزا سنانے والے جج کو واپس لاہور ہائیکورٹ بھیجنے کی سفارش
-
پنجاب میں داخل ہونے والے 2 دہشت گرد فائرنگ کے تبادلے میں ہلاک
-
لاہور سمیت 5 بڑے شہروں میں "اپنی چھت اپنا گھر" پروجیکٹ کی اصولی منظوری
-
اسلام آباد ہائیکورٹ کا بشریٰ بی بی کے پرائیویٹ لیب سے طبی معائنے کا حکم
-
پاکستان سٹاک ایکسچینج میں نئے ریکارڈز، تاریخ میں انڈیکس پہلی بار 72 ہزار کی نفسیاتی حد عبور کر گیا
-
حکومت کا چینی کی ذخیرہ اندوزی اور سمگلنگ کیخلاف کریک ڈاؤن کا فیصلہ
-
پاکستان ایران نئے معاہدوں پر پیشرفت ہوئی تو پابندیاں لگ سکتی ہیں، امریکہ کی وارننگ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.