آئی پی ایل کیس: راز میں رکھے گئے چھ افراد کی شناخت ظاہر کرنے کیلئے درخواست دائر

بدھ 26 نومبر 2014 13:19

نئی دہلی( اُردو پوائنٹ تاز ترین اخبار۔ 26نومبر 2014ء ) انڈین پریمئر لیگ میں اسپاٹ فکسنگ کیس کا معاملہ پیچیدہ ہے۔عدالت نے اپنی کارروائی کے دروان بھارتی کرکٹ بورڈ کے سابق صدر ، آئی سی سی کے چیئرمین اور چنئی سپر کنگز کے مالک سری نواسن، ان کے داماد گروناتھ میاپن ،لیگ کے چیف آپریٹنگ آفیسر سندر رامن اور راجستھان رائلز کے مالک راج کندرا کو مشکوک حرکات میں ملوث قرار دیا ہے جبکہ گروناتھ پر سٹے بازی کا الزام بھی لگایا ہے۔

(جاری ہے)

تحقیقات کرنے والے مڈگل کمیشن کی رپورٹ میں مجموعی طور پر 13 ا فراد کی نشاندہی کی گئی تھی تاہم بھارتی سپریم کورٹ نے مذکورہ چار افراد کے علاوہ کسی اور کا نام ظاہر کرنے سے اجتناب کیا تھا البتہ کارروائی کے دوران سابق انگلش کرکٹر اویس شاہ، بھارتی کھلاڑی اسٹیورٹ بنی اور ویسٹ انڈیز کے سیموئل بدری کے نام اتفاق سے منظر عام پر آگئے تھے۔ اب کیس کے پٹیشنر ادیتیا ورما نے درخواست کی بھی باقی رہ جانے والے چھ افراد کی شناخت بھی ظاہر کردی جائے۔ خیال ہے کہ یہ بھی کرکٹرز ہی ہیں۔ کیس کی اگلی سماعت 27 نومبر کو ہوگی۔

Facebook Twitter Google + Share on Whatsapp

آئی پی ایل کیس: راز میں رکھے گئے چھ افراد کی شناخت ظاہر کرنے کیلئے درخواست دائر

متعلقہ عنوان :

مزید کھیلوں کی خبریں