کسب بینک کے معاملے کی وجہ سے اکاؤنٹ ہولڈرز اور دیگر سٹیک ہولڈرز کو سخت پریشانی کا سامنا کرنا پڑ رہا ہے،لاہور چیمبر
ہفتہ 29 نومبر 2014 18:22
لاہور(اُردو پوائنٹ تاز ترین اخبار۔ 29نومبر 2014ء) لاہور چیمبر آف کامرس اینڈ انڈسٹری نے سٹیٹ بینک آف پاکستان پر زور دیا ہے کہ وہ کسب بینک کا معاملہ فوری طور پر حل کرے اور دیگر چھوٹے بینکوں کے معاملات پر بھی توجہ دے تاکہ سرمایہ داروں کو کسی پریشانی کا سامنا نہ کرنا پڑے۔ ایک بیان میں لاہور چیمبر آف کامرس اینڈ انڈسٹری کے صدر اعجاز اے ممتاز، سینئر نائب صدر میاں نعمان کبیر اور نائب صدر سید محمود غزنوی نے کہا کہ کسب بینک کے معاملے کی وجہ سے اکاؤنٹ ہولڈرز اور دیگر سٹیک ہولڈرز کو سخت پریشانی کا سامنا کرنا پڑ رہا ہے۔
انہوں نے کہا کہ نہ صرف سرمایہ داروں کو سرمائے کی قلت کا سامنا ہے بلکہ اس کے ذریعے امپورٹ کرنے والی کمپنیاں بھی شدید مشکلات سے دوچار ہیں کیونکہ کاغذات کلیئر نہ ہونے کی وجہ سے اْن کا درآمد شدہ خام مال اور دیگر مصنوعات کلیئر نہیں ہوپارہیں اور اْن پر ڈیمرج بھی ادا کرنا پڑ رہا ہے۔(جاری ہے)
انہوں نے کہا کہ اگر خام مال کلیئر نہ ہوا تو بہت سی فیکٹریوں کی پیداوار رک جائے گی۔
لاہور چیمبر کے عہدیداروں نے تجویز پیش کی کہ کسب بینک کے اکاؤنٹ ہولڈرز کو ایک مرتبہ تین لاکھ روپے دینے کے بجائے ہر پندرہ دن بعد تین لاکھ روپے ادا کرکے ان کی رقم کلیئر کی جائے تاکہ انہیں سرمائے کی قلت کے مسئلے کا سامنا نہ کرنا پڑے۔ انہوں نے وفاقی وزیر خزانہ اور گورنر سٹیٹ بینک آف پاکستان سے اپیل کی کہ وہ کسب بینک کا مسئلہ جلد از جلد حل کرائیں اور دیگر چھوٹے بینکوں پر بھی گہری نظر رکھیں تاکہ آئندہ مزید ایسا کوئی مسئلہ پیدا نہ ہو۔متعلقہ عنوان :
مزید تجارتی خبریں
-
برائلرگوشت اورفارمی انڈوں کے نرخ
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.