حکومت نے آئندہ ماہ جنوری میں میٹرو بس سروس کے آغاز کا فیصلہ کرلیا

ہفتہ 6 دسمبر 2014 13:41

حکومت نے آئندہ ماہ جنوری میں میٹرو بس سروس کے آغاز کا فیصلہ کرلیا

راولپنڈی(اُردو پوائنٹ تاز ترین اخبار۔ 06 دسمبر 2014ء) حکومت نے آئندہ ماہ جنوری میں میٹرو بس سروس کے آغاز کا فیصلہ کرلیا ہے۔ راولپنڈی کے کمشنر اور میٹرو بس کے پروجیکٹ ڈائریکٹر زاہد سعید نے بتایا کہ حکومت نے 23 مارچ 2015 تک پشاور موڑ انٹرچینج ‘ 25 جنوری 2015 تک میٹرو بس پروجیکٹ کی تکمیل کی ڈیڈ لائن مقرر کر رکھی ہے۔انہوں نے کہاکہ این ایل سی کو تعمیراتی کام ختم کرنے کے لیے مزید دو ماہ دیئے گئے ہیں جبکہ میٹر وبس کے لیے کوریڈور کی تکیمل 25 جنوری تک ہو جائے گی۔

زاہد سعید نے کہاکہ پشاور موڑ انٹر چینج اس پروجیکٹ کا ایک الگ حصہ ہے جو کشمیر ہائی وے استعمال کرنے والے افراد کو سگنل فری روٹ فراہم کریگا ‘ چار انڈر پاسز کی بدولت راولپنڈی سے پاکستان سیکریٹریٹ کی جانب میٹرو بس کو سگنل فری روٹ ملے گا۔

(جاری ہے)

میٹر وبس پروجیکٹ کی نگرانی اورعمل درآمد کمیٹی کے چیئرمین حنیف عباسی نے بتایا کہ حکومت مقررہ تاریخ پر سروس کے آغاز کے لیے پر عزم ہے تاکہ راولپنڈی، اسلام آباد کے شہریوں کو بہترین سفری سہولیات فراہم کی جا سکیں۔

انہوں نے کہاکہ وزیراعظم نواز شریف اور وزیرِ اعلیٰ پنجاب شہباز شریف مقررہ ڈیڈ لائن کے اندر ہی میٹرو بس پروجیکٹ کا آغاز چاہتے ہیں۔حنیف عباسی نے بتایا کہ میٹرو بس پروجیکٹ کا آغاز وزیراعظم نواز شریف اور وزیراعلیٰ پنجاب شہباز شریف 30 جنوری کو کریں گے۔

متعلقہ عنوان :