وزارت اعلیٰ کی قربانی دینے کے باوجود صوبائی حکومت میں ہماری بات نہیں سنی جارہی اور نہ ہی ہمیں کوئی اہمیت دی جارہی ہے ، وزارت خزانہ اور وزارت منصوبہ بندی میں ہمارے لئے دروازے بند ہیں ،اس کی وجہ سے حلقوں میں ہونے والے ترقیاتی کاموں میں خلل پیدا ہورہاہے ، وزارت خزانہ بروقت فنڈز کے اجراء میں ٹال مٹول سے کام لے رہی ہے، بڑے بڑے واقعات میں ملوث دہشت گرد سرعام گھوم رہے ہیں ،ا ن کے خلاف کسی قسم کی کارروائی نہیں کی جارہی،
مسلم لیگ (ن) کے اراکین صوبائی اسمبلی نے وزیراعظم کی بلوچستان کی مخلوط حکومت میں اختلافات کے خاتمے کے لئے قائم 4رکنی کمیٹی کے سامنے وزیر اعلیٰ بلوچستان اور دیگر وزراء کے خلاف شکایات کے انبار لگادیئے
ہفتہ 6 دسمبر 2014 23:28
کوئٹہ(اُردو پوائنٹ تاز ترین اخبار۔ 06 دسمبر 2014ء) مسلم لیگ (ن) کے اراکین صوبائی اسمبلی نے وزیراعظم کی بلوچستان کی مخلوط حکومت میں اختلافات کے خاتمے کے لئے قائم 4رکنی کمیٹی کے سامنے وزیر اعلیٰ بلوچستان اور دیگر وزراء کے خلاف شکایات کے انبار لگادیئے اور کہاکہ وزارت اعلیٰ کی قربانی دینے کے باوجود صوبائی حکومت میں ہماری بات نہیں سنی جارہی اور نہ ہی ہمیں کوئی اہمیت دی جارہی ہے ۔
وزارت خزانہ اور وزارت منصوبہ بندی میں ہمارے لئے دروازے بند ہیں جس کی وجہ سے حلقوں میں ہونے والے ترقیاتی کاموں میں خلل پیش آرہی ہے ۔ وزارت خزانہ بروقت فنڈز کے اجراء میں ٹال مٹول سے کام لے رہی ہے، بڑے بڑے واقعات میں ملوث دہشت گرد سرعام گھوم رہے ہیں جن کے خلاف کسی قسم کی کاروائی نہیں کی جارہی ۔(جاری ہے)
تفصیلات کے مطابق وزیراعظم میاں محمد نواز شریف کی جانب سے بلوچستان مخلوط حکومت میں اختلافات کے خاتمے کے لئے راجہ ظفرالحق کی قیادت میں 4 رکنی کمیٹی جس میں وفاقی وزیر ریلوے خواجہ ظفرالحق ، سینیٹر ظفراقبال جھگڑا ، سینیٹر سردار یعقوب ناصر شامل تھے نے ہفتے کو کوئٹہ کے مقامی ہوٹل میں (ن) لیگ کے سربراہ سردار ثناء اللہ زہری کی قیادت میں مسلم لیگ ن اور ق کے ارکان سے ملاقات کی ۔
ملاقات کے دوران مسلم لیگ (ن) اور ق کے اراکین اور وزراء نے فرداً فرداً ڈاکٹر عبدالمالک بلوچ ، وزیر منصوبہ بندی ڈاکٹر حامد اچکزئی سمیت دیگر وزراء کے خلاف شکایات کے انبار لگادیئے ۔ اس موقع پر اراکین نے کہا کہ وزارت اعلیٰ کی قربانی دینے کے باوجود صوبائی حکومت میں ہماری بات نہیں سنی جارہی اور نہ ہی ہمیں کوئی اہمیت دی جارہی ہے ۔ وزارت خزانہ اور وزارت منصوبہ بندی میں ہمارے لئے دروازے بند ہیں جس کی وجہ سے حلقوں میں ہونے والے ترقیاتی کاموں میں خلل پیش آرہی ہے ۔ وزارت خزانہ بروقت فنڈز کی ریلیز میں ٹال مٹول سے کام لے رہی ہے ۔ اس کے علاوہ صوبے میں مجموعی طورپر امن وامان کی صورتحال میں بہتری کی بجائے ابتر ہوتی جارہی ہے قتل ، ڈکیتی ، اغواء برائے تاوان ، ٹارگٹ کلنگ ، بم دھماکے روز کا معمول بن چکے ہیں بڑے بڑے واقعات میں ملوث دہشت گرد سرعام گھوم رہے ہیں جن کے خلاف کسی قسم کی کاروائی نہیں کی جارہی ۔ بعض اراکین اسمبلی نے گورنر بلوچستان محمد خان اچکزئی پر بھی الزامات عائد کئے اور بتایا کہ گورنر اور صوبائی حکومت دونوں کی جانب سے ہمارے حلقوں میں مداخلت کی جارہی ہے ترقیاتی کام نہ ہونے کی وجہ سے حلقوں کے عوام میں شدید بے چینی پائی جاتی ہے اسمبلی میں واضح اکثریت کے باوجود وزیراعلیٰ شپ اقلیت کو دینا ناانصافی ہے ۔ انہوں نے بتایا کہ مسلم لیگ (ن) اور اس کے اتحادی ق لیگ نے بہت برداشت کرلیا اب وہ مزید ڈاکٹر عبدالمالک بلوچ اور ان کے اتحادی جماعت پشتونخواہ میپ کے ساتھ چل نہیں سکتی ، صوبے میں امن وامان اور ترقیاتی کاموں کے لئے اپناہی وزیراعلیٰ ہونا چاہیے ۔ کمیٹی کے ارکان نے اراکین کی شکایات نوٹ کی اور بتایا کہ وہ ڈاکٹر عبدالمالک بلوچ اور ان کے دیگر ساتھیوں سے بات چیت کے بعد رپورٹ وزیراعظم کو پیش کریں گے ۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.