فیصل آباد جلاؤ گھیراؤ میں ملوث 29 افراد کی نشاندہی، فوری گرفتاری کا حکم

منگل 9 دسمبر 2014 15:09

فیصل آباد جلاؤ گھیراؤ میں ملوث 29 افراد کی نشاندہی، فوری گرفتاری کا ..

فیصل آباد(اُردو پوائنٹ اخبار تازہ ترین۔9دسمبر 2014ء)فیصل آباد جلاؤ گھیراؤ کے واقعات میں ملوث انتیس افراد کی نشاندہی ہوگئی ، حکام نے فوری گرفتاری کا حکم دے دیا ، ادھر وزیر اعلیٰ پنجاب کو واقعے کی ابتدائی رپورٹ پیش کر دی گئی ہے۔ ذرائع کے مطابق فیصل آباد واقعے میں ملوث شرپسندوں کے خلاف دہشت گردی کی دفعات شامل کی گئی ہیں ۔

وزیر داخلہ پنجاب کرنل ر شجاع خانزادہ کا کہنا ہے قانون شکن عناصر سزا سے نہیں بچ سکیں گے ادھر گزشتہ روز پیش آنے والے واقعے کی رپورٹ وزیر اعلیٰ پنجاب کو پیش کر دی گئی ہے۔

(جاری ہے)

وزیر اعلیٰ نے فائرنگ کرنے والے افراد کی فی الفور گرفتاری ہر صورت یقینی بنانے کی ہدایت کی ہے ۔ دوسری طرف اسلام آباد میں تحریک انصاف کے سیکڑوں کارکنوں کے خلاف مختلف دفعات کے تحت شہزاد ٹاؤن ، آبپارہ اور بہارہ کہو میں مقدمات درج کیے گئے ہیں ۔

تھانہ آبپارہ اور بہارہ کہو میں درج مقدمے میں دفعہ 144، لاؤڈ سپیکر کے استعمال اور سڑکیں بند کر عوام کو پریشانی میں مبتلا کرنے کی دفعات شامل کی گئی ہیں جبکہ تھانہ شہزاد ٹاؤن میں درج مقدمے میں ہنگامہ آرائی اور سڑکیں بند کرنے اور لاؤڈ سپیکر کے استعمال کی دفعات شامل کی گئی ہیں۔