مختلف شہروں میں حساس اداروں کی کارروائی ، اہم کمانڈروں سمیت 13 دہشتگرد ہلاک
جمعہ 19 دسمبر 2014 11:47
کراچی/ گجرات/ کوئٹہ (اُردو پوائنٹ اخبار تازہ ترین۔19دسمبر 2014ء) ملک کے مختلف شہروں میں قانون نافذ کرنے والے اداروں کے ساتھ مقابلے میں دس دہشت گرد مارے گئے ، مارے جانے والوں میں کالعدم تنظیموں کے کمانڈر اور ان کے دست راست بھی شامل ہیں ، دو دہشت گردوں کو زخمی حالت میں گرفتار کر لیا گیا۔ ماڑی پور کے علاقے مشرف کالونی میں کالعدم تنظیم کے کارندوں کی موجودگی کی اطلاع پر رینجرز نے آپریشن کیا ۔ رینجرز ترجمان کے مطابق دہشت گردوں نے رینجرز پر فائرنگ اور کریکر حملے کئے ۔ جوابی کارروائی میں چار دہشت گرد مارے گئے جن میں کالعدم تنظیم کا کمانڈر عابد مچھڑ بھی شامل ہے ۔ ملزم انچولی بم دھماکا ، سی آئی ڈی بم دھماکے ، فرقہ وارانہ ٹارگٹ کلنگ اور دہشت گردی کی متعدد وارداتوں میں ملوث تھا ۔
(جاری ہے)
دہشت گردوں کی فائرنگ سے ایک رینجرز اہلکار بھی زخمی ہوا ۔
ملزمان سے چار ایس ایم جی ، دستی بم سمیت بڑی تعداد میں گولیاں بھی برآمد ہوئیں ۔ دوسرا واقعہ گجرات کے قریب لالہ موسٰی کے علاقے میں پیش آیا جہاں پولیس اور حساس ادارے کے ساتھ مقابلے میں کالعدم تنظیم کے کمانڈر سمیت دو دہشت گرد مارے گئے ۔ ہلاک ہونے والوں میں کالعدم تحریک طالبان گجرات کا امیر افضل عرف فوجی اور اسکا قریبی ساتھی احمد عرف بابا شامل ہیں ۔ مارے گئے دہشت گرد پولیس اور حساس اداروں کے اہلکاروں پر حملوں میں ملوث تھے ۔ دوسری طرف زیارت میں پوئی شریف کے علاقے میں سرچ آپریشن کے دوران کالعدم تحریک طالبان کے اہم کمانڈر سمیت تین دہشت گرد مارے گئے ۔ ہلاک ہونے والے دہشت گرد کوئٹہ میں تخریب کاری کا منصوبہ بنا رہے تھے ، فائرنگ کے دوران دو سیکورٹی اہلکار زخمی ہوئے ۔ ایف سی ترجمان کے مطابق دوسرا سرچ آپریشن سنجاوی میں کیا گیا جس میں تحریک طالبان کا ایک دہشت گرد ہلاک جبکہ دو زخمی حالت میں گرفتار کر لیے گئے۔دوسری طرف کوئٹہ کے پاسرا کے علاقے میں قانون نافذ کرنے والے اہلکاروں اور دہشتگردوں کے درمیان فائرنگ سے تین دہشتگرد ہلاک ہوگئے اور بڑی تعداد میں اسلحہ برآمد کر لیا گیا ہے.متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.