حکومت، پی ٹی آئی مذاکرات میں پیش رفت، اگلے ہفتے قوم کو اچھی خبر دینے کی پوزیشن میں ہوں گے: مشترکہ پریس کانفرنس
جمعہ 19 دسمبر 2014 18:45
اسلام آباد (اُردو پوائنٹ اخبار تازہ ترین۔19دسمبر۔2014ء) حکومت اور تحریک انصاف کے درمیان مذاکرات میں اہم پیش رفت ہوئی ہے اور دونوں فریقین نے عندیہ دیا ہے کہ اگلے ہفتے قوم کو اچھی خبر دینے کی پوزیشن میں ہوں گے۔ تفصیلات کے مطابق حکومت اور تحریک انصاف کی مذاکراتی کمیٹیوں میں ملاقات ہوئی جس میں ٹرم آف ریفرنس پر بات چیت کی گئی۔ حکومت کی جانب سے اسحاق ڈار، احسن اقبال اور تحریک انصاف کی جانب سے شاہ محمود قریشی، جہانگیر ترین اور اسد عمر شریک ہوئے۔
ملاقات کے بعد میڈیا سے گفتگو کرتے ہوئے پاکستان تحریک انصاف کے رہنماءشاہ محمود قریشی نے کہا کہ آج کی ملاقات بہت اچھی رہی ہے اور ٹرم آف ریفرنس پر خاطر خواہ حد تک پیش رفت ہوئی ہے۔ انہوں نے کہا کہ 15نشستوں کے بعد مذاکرات میں تعطل آیا اور آج وہیں سے بات کا آغاز کیا جہاں رکی تھی جس دوران ماضی میں طے نکات پر اتفاق ہوا ہے۔(جاری ہے)
ان کا کہنا تھا کہ ملکی مفاد میں مذاکرات کو حتمی نتیجے تک پہنچائیں گے اور اگلے ہفتے میں قوم کو اچھی خبر دینے کے قابل ہو جائیں گے۔
ان کا کہنا تھا کہ ہم قوم اور جمہوری نظام کی بہتری کیلئے کوشش کر رہے ہیں اورخواہش ہے کہ ملک میں شفاف الیکشن کا انعقاد ہو سکے۔ انہوں نے کہا کہ ملک میں خودمختار الیکشن کمیشن کا وجود چاہتے ہیں، دھاندلی کی تحقیقات کیلئے جوڈیشل کمیشن کو مختلف اداروں کی سپورٹ، معلومات درکار ہوں گی۔اس موقع پر وفاقی وزیر خزانہ اور حکومتی مذاکراتی کمیٹی کے رکن اسحاق ڈار نے پارلیمانی کمیٹی میں تحریک انصاف کی شرکت پر خوشی کا اظہار کیا اور کہا کہ وزیراعظم کی خواہش ہے کہ تحریک انصاف کیساتھ معاملات کو جلد حل کیا جائے۔ انہوں نے کہا کہ پاکستان کو درپیش چیلنجز اور حالیہ صورتحال کے پیش نظر حکومت تحریک انصاف کے ساتھ مکمل تعاون کر رہی ہے جبکہ تحریک انصاف بھی نے تعاون کا مظاہرہ کیا ہے جس کے باعث ہم مسائل کے حل کے قریب پہنچ گئے ہیں۔ ان کا کہنا تھا کہ تحریک انصاف اپنے لیڈرز کے ساتھ معاملات کو شیئر کرنے کے بعد دوبارہ ملاقات کرے گی اور امید ہے کہ اگلے ہفتے میں قوم کو اچھی خبر سننے کو ملے گی۔ انہوں نے کہا کہ قانون کے مطابق جوڈیشل کمیشن میں ججز کے علاوہ کوئی نہیں ہو سکتا تاہم جوڈیشل کمیشن کی صوابدید ہے، کسی کو بھی بلا سکتا ہے ۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.