فلسطینی حکومت ، محمود عباس غزہ کی پٹی کے باشندوں کی ضروریات سے دانستہ طور پر لاپرواہی کا مظاہرہ کررہے ہیں، حماس
پیر 29 دسمبر 2014 14:14
غزہ (اُردو پوائنٹ اخبارتاز ترین ۔ 29دسمبر 2014ء) حماس نے فلسطینی قومی حکومت اور صدر محمود عباس پرالزام عائد کیا ہے کہ وہ غزہ کی پٹی کے 18لاکھ باشندوں کی ضروریات سے دانستہ طورپر اس لئے لاپرواہی کا مظاہرہ کررہے ہیں تاکہ حماس کو قومی سیاسی منظر نامے سے ہٹا کرآمرانہ فیصلوں کی راہ ہموار کی جاسکے،حکومت نے اہلیان غزہ کی ضروریات پوری نہ کیں توغزہ کا کنٹرول سنبھال لینگے۔
یہ بات ڈاکٹر موسیٰ ابو مرزوق نے غزہ کی پٹی میں سیاسی جماعتوں کے وفد سے گفتگو کرتے ہوئے کہی۔ انہوں نے کہا کہ فلسطینی اتھارٹی نے فلسطین عوام کے بنیادی حقوق کی سودے بازی کرتے ہوئے قوم کو اعتماد میں لئے بغیر سلامتی کونسل میں ایک ایسی قرارداد پیش کی جس کا فلسطینی قوم کے بنیادی مطالبات سے کوئی لینا دینا نہیں۔(جاری ہے)
سلامتی کونسل میں پیش قرار داد میں بھی قوم کو بتائے بغیر مزید پسپائی اختیار کرنے کا فیصلہ کیا گیا ہے۔
انہوں نے فلسطینی اتھارٹی کی طرف سے آزاد ریاست کیلئے پیش کی گئی نام نہاد قرارداد کو رام اللہ اتھارٹی کے ماتھے پر بدنما داغ قرار دیا۔ انہوں نے کہا کہ سلامتی کونسل میں پیش کی گئی قرارداد میں فلسطینی قوم کے دیرینہ مطالبات اور بنیادی حقوق کی نفی کی گئی ہے۔ اب ہم سے یہ مطالبہ کیا جا رہا ہے کہ ہم بھی اس جعلی قرارداد کی حمایت کریں۔ابو مرزوق نے کہا کہ اگر فلسطینی اتارٹی اور مخلوط حکومت نے محصورین غزہ کی ضروریات پوری نہ کیں تو حماس اس پرخاموش نہیں رہے گی بلکہ غزہ کا کنٹرول خود اپنے ہاتھ میں لے لیگی۔انہوں نے کہا کہ ہم عاجز یا مجبور نہیں ہیں، قومی حکومت کی ذمہ داری ہے کہ وہ غزہ کے عوام کو ہرممکن ریلیف فراہم کرے ۔حماس رہنما نے کہا کہ فلسطینی اتھارٹی غزہ کی پٹی کو اپنے لئے بوجھ سمجھ رہی ہے۔ قومی مفاہمت اور مصالحت کے معاہدے میں غزہ کی تمام ضروریات پوری کرنے کی ذمہ داری فلسطینی حکومت پرعائد کی گئی ہے۔ حماس بھی معاہدے کی رو سے قومی حکومت کا حصہ ہے مگراس کے باوجود حماس کو اہمیت نہیں دی جا رہی ہے بلکہ الٹا اسے دیوار سے لگانے کی سازشیں ہو رہی ہیں۔متعلقہ عنوان :
مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.