پنجاب کے میدانی علاقوں میں تین روز تک دھند کی شدت برقرار رہنے کا امکان
جمعرات 8 جنوری 2015 13:26
لاہور (اُردو پوائنٹ تازہ ترین اخبار۔ 08 جنوری 2015ء) محکمہ موسمیات نے آئندہ دو سے تین روز تک پنجاب کے میدانی علاقوں میں دھند کی شدت برقرار رہنے کا امکان ظاہر کر دیا۔ موسم سرما کے دوران پاکستان کے بالائی علاقوں میں بارشیں معمول کے مطابق جبکہ جنوبی علاقوں میں معمول سے کم ہوں گی۔ محکمہ موسمیات کے مطابق آئندہ چوبیس گھنٹوں کے دوران گوجرانوالہ ، لاہور، فیصل آباد ، ساہیوال ، ملتان ، بہاولپور ڈویژن میں شدید دھند جبکہ سرگودھا ، راولپنڈی ، ڈی جی خان ، ڈی آئی خان اور سکھر ڈویڑن میں بھی دھند برقرار رہنے کا امکان ہے۔
آئندہ دو سے تین روز تک پنجاب کے میدانی علاقوں میں دھند کی شدت برقرار رہنے کا امکان ہے جبکہ شمالی علاقوں میں درجہ حرارت نقطہ انجماد سے کم رہے گا۔ محکمہ موسمیات کے مطابق جنوری میں معمول سے کم جبکہ فروری اور مارچ میں اچھی بارشوں کی توقع ہے ، موسم سرما کی باقاعدہ بارشوں کا آغاز فروری کے پہلے ہفتے میں ہونے کا امکان ہے۔(جاری ہے)
محکمہ موسمیات کے مطابق آئندہ منگل اور بدھ کے روز ملک کے کچھ بالائی علاقوں میں ہلکی بارش جبکہ پہاڑوں پر ہلکی برفباری کا امکان ہے۔
آئندہ چوبیس گھنٹوں کے دوران موٹر وے پر لاہور تا پنڈی بھٹیاں شدید دھند جبکہ پنڈی بھٹیاں تا سالٹ رینج سیکٹر میں بھی دھند رہے گی۔ شدید دھند کے باعث رات اور صبح کے اوقات میں لاہور ، سیالکوٹ ، فیصل آباد اور ملتان ایئر پورٹ پر پروازیں بھی متاثر ہونے کا امکان ہے۔ گزشتہ 24 گھنٹوں کے دوران ملک کے بیشتر علاقوں میں موسم شدید سرد اور خشک رہا جبکہ اسلام آباد سمیت پنجاب کے اکثر میدانی علاقے دھند کی لپیٹ میں رہے ، آج ملک کے شمالی علاقوں اور شمالی بلوچستان میں درجہ حرارت نقطہ انجماد سے کم رہا۔ سب سے کم درجہ حرارت سکردو میں منفی 09 ڈگری سینٹی گریڈ جبکہ پارا چنار میں منفی 08 ، استور میں منفی 07 اور دیر کالام میں منفی 04 ڈگری ، مالم جبہ رسالپور منفی 03 ، قلات راولا کوٹ ، کوئٹہ منفی 02 ، لوئر دیر منفی 01 سینٹی گریڈ ریکارڈ کیا گیا۔متعلقہ عنوان :
مزید موسم کی خبریں
-
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
-
محکمہ موسمیات خیبرپختونخوا کی آئندہ ہفتے بارشوں اور برفباری کی پیشن گوئی
-
کراچی میں سردی کی لہر برقرار، درجہ حرارت 10ڈگری سینٹی گریڈ ریکارڈ
-
لاہور سمیت پنجاب کے مختلف علاقوں میں ہلکی بارش سے موسم خوشگوار
-
محکمہ موسمیات کی آئندہ ہفتہ شہر لاہور میں بارش کی پیش گوئی
-
25 فروری کو آنے والے سسٹم کے زیراثرکراچی میں بھی بارش کا امکان
-
ملک کے بالائی، وسطی علاقوں میں 17 سے 21 فروری تک بارشوں کی پیشگوئی
-
لاہور سمیت پنجاب بھر میں موسلادھار بارش سے سردی میں اضافہ
-
31جنوری سے 4فروری تک بارش اورپہاڑوں پر برف باری پیشگوئی
-
ہفتہ کے روز سے ملک کے بیشتر علاقوں میں بارش کی توقع
-
کراچی دنیا کے آلودہ ترین شہروں میں سرفہرست، ایئرکوالٹی انڈیکس 241ریکارڈ
-
کراچی نے آلودگی میں دنیا کے تمام شہروں کو پیچھے چھوڑ دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.