تمام مسلمانوں کی حفاظت کروں گی، جرمن چانسلر انجیلا میرکل

جمعہ 16 جنوری 2015 11:04

برلن(اُردو پوائنٹ اخبار تازہ ترین۔16جنوری2015ء) جرمن چانسلر انجییلا میرکل نے کہا ہے کہ جرمنی میں آباد مسلمانوں اور یہودیوں کو تمام تر تعصبات سے بچایا جائے گا۔ جرمن چانسلر انگیلا میرکل نے جرمن پارلیمان کے ایوان زیریں سے خطاب کرتے ہوئے کہا کہ ،چانسلر ہوتے ہوئے میں اپنے ملک میں تمام مسلمانوں کی حفاظت کروں گی، اس ایوان میں موجود ہر ایک شخص یہی کچھ کرے گا۔

(جاری ہے)

انہوں نے کہا کہ سیحی، یہودی اور مسلمان تمام لوگوں کے لیے جرمنی میں جگہ ہے۔ پیرس حملوں سے متعلق میرکل کا کہنا تھا کہ مسجدوں پر حملوں کے خلاف بھی سختی سے نمٹا جائے گا، کیونکہ ہم ان لوگوں کے ہاتھوں تقسیم نہیں ہوں گے جو کسی مسلمان کی جانب سے دہشت گردی کو استعمال کرتے ہوئے جرمنی میں آباد تمام مسلمانوں کے بارے میں شکوک و شبہات پیدا کرنے کی کوشش کرتے ہیں۔

Facebook Twitter Google + Share on Whatsapp

تمام مسلمانوں کی حفاظت کروں گی، جرمن چانسلر انجیلا میرکل

متعلقہ عنوان :

مزید بین الاقوامی خبریں