قبرستان سے بچوں کی میتیں غائب

ہفتہ 17 جنوری 2015 11:11

کراچی(اُردو پوائنٹ اخبار تازہ ترین۔17جنوری2015ء) سندھ کے دارالحکومت کراچی کے ایک قبرستان سے دفن کیے جانے والے بچوں کے لاپتہ ہونے کے پر اثرار واقعات پیش آرہے ہیں کراچی میں منگھوپیر کے قبرستان میں قبروں سے پراسرار طور پر بچوں کی لاشیں غائب ہونے کے واقعات نے علاقہ میں خوف و ہراس پھیلا دیا ہے۔ پولیس کا کہنا ہے واقعات کسی جانور کی کارروائی معلوم ہوتے ہیں۔

(جاری ہے)

منگھوپیر کا آفریدی گوٹھ قبرستان میں چند مہینوں کے دوران پانچ سے زائد قبروں سے بچوں کی میتیں غائب ہونے کے پراسرار واقعات سامنے آئے ہیں۔ پولیس کا کہنا ہے کہ 15دن میں 2واقعات رونما ہوئے ہیں جس میں ملنے والے ثبوتوں سے بظاہر کارروائی کسی جانور کی لگتی ہے، پھر بھی نفری تعینات کرکے قبرستان کی نگرانی کی جارہی ہے۔ علاقہ مکینوں کا مطالبہ ہے کہ قبرستان میں ہونے والی پراسرار وارداتوں کا سراغ لگا کر جانور یا کسی کے ملوث ہونے کا پتہ لگا کر ایسے واقعات کو روکا جائے۔

Facebook Twitter Google + Share on Whatsapp

قبرستان سے بچوں کی میتیں غائب

متعلقہ عنوان :

مزید اہم خبریں