قومی کرکٹرز، آفیشلز کا پشاور کا دورہ مکمل، سی ایم ایچ میں زخمی بچوں کی عیادت

ہفتہ 17 جنوری 2015 15:56

پشاور(اُردو پوائنٹ اخبار تازہ ترین۔17جنوری2015ء) قومی کرکٹ ٹیم کے کھلاڑیوں اور آفیشلز نے پشاور کا دورہ مکمل کر لیا ، کھلاڑیوں نے سی ایم ایچ میں زخمی بچوں کی عیادت کی ، طلباء اور ان کے والدین سے بھی ملے۔ پاکستان کرکٹ ٹیم کے ہیرو شاہد آفریدی ، مصباح الحق ، احمد شہزاد سمیت دیگر کھلاڑی اور ٹیم آفیشلز نے پشاور کا دورہ کیا ۔

(جاری ہے)

قومی ہیروز کو سخت سیکیورٹی میں سی ایم ایچ کا دورہ کرایا گیا جہاں انہوں نے زخمی بچوں کی عیادت کی اور ان کی بہادری کو سراہا ۔

کھلاڑیوں اور آفیشلز نے آرمی پبلک سکول کے بچوں اور ان کے والدین سے بھی ملاقاتیں کی ۔ اس موقع پر قومی پلیئر نے شہدا کے لیے دعا بھی کی ۔ طلباء اور ان کے والدین اپنے ہیروز کو دیکھ کر خوش ہوئے ۔ بچے اور والدین کرکٹرز کے ساتھ تصویریں کھنچواتے رہے۔