لاہور ہائیکورٹ نے منہ بولی بیٹی حقیقی ماں باپ کے حوالے کر دی،بچی کی جدائی پر منہ بولی ماں نے رو رو کر برا حال کر لیا،ت

پیر 19 جنوری 2015 13:01

لاہور(اُردو پوائنٹ تازہ ترین اخبار۔ 19 جنوری 2015ء) اولاد کی کمی سے مجبور رضیہ عرفان نے اپنی سگی بہن سلطانہ کنول کی پیدا ہونے والی چھ دن کی بیٹی آمنہ کو گود لے لیا۔رضیہ عرفان اور اسکے خاوند نے آمنہ کو تین سال تک ماں باپ بن کر پالا۔

(جاری ہے)

پھر ایک دن دونوں خاندانوں میں کسی بات پر جھگڑا ہوا بات تھانے تک جا پہنچی اورآمنہ کے حقیقی باپ اسرار حسین نے اپنی بیٹی کی واپسی کا مطالبہ کر دیا. منہ بولے ماں باپ نے بچی واپس کرنے سے انکار کیا تو بچی کے حقیقی والدین نے عدالت عالیہ سے رجوع کر لیا۔

عدالت عالیہ نے فریقین کا موقف سن کر تین سالی آمنہ کو حقیقی ماں باپ کے حوالے کرنے کا حکم دیا تو آمنہ نامی بچی اور اسکی منہ بولی ماں بلک بلک کر رو دیے۔ فراق و وصال کے لمحات اور جذباتی مناظر نے عدالتی احاطے میں موجود ہر کسی کو اداس کر دیا۔