چنے کی فصل کو جڑی بوٹیاں پیازی، باتھو، کرنڈ، چھنکنی بوٹی، رت پھلائی، دمبی سٹی، لیہلی اور ریواڑی نقصان پہنچاتی ہیں۔ بارانی اور ریتلے علاقوں میں وتر کی کمی کی وجہ سے جڑی بوٹیاں فصل کیلئے موجود نمی اور خوراک کا زیادہ تر حصہ استعمال کرلیتی ہیں جس سے چنے کی فی ایکڑ پیداوار میں کمی واقع ہوجاتی ہے۔ ریتلے علاقوں میں جڑی بوٹیوں کی تلفی کیلئے ہاتھ سے چلنے والی رویٹری بھی استعمال کی جاسکتی ہے،محکمہ زراعت پنجاب

ہفتہ 24 جنوری 2015 14:16

راولپنڈی/ اسلام آباد(اُردو پوائنٹ تازہ ترین اخبار۔ 24 جنوری 2015ء) محکمہ زراعت پنجاب راولپنڈی کے ترجمان کے مطابق چنا ربیع کی ایک اہم پھلی دار فصل ہے اور پنجاب میں چنے کا تقریباً 92فیصد رقبہ بارانی علاقوں پر مشتمل ہے۔چنے کی فصل کو جڑی بوٹیاں پیازی، باتھو، کرنڈ، چھنکنی بوٹی، رت پھلائی، دمبی سٹی، لیہلی اور ریواڑی نقصان پہنچاتی ہیں۔ بارانی اور ریتلے علاقوں میں وتر کی کمی کی وجہ سے جڑی بوٹیاں فصل کیلئے موجود نمی اور خوراک کا زیادہ تر حصہ استعمال کرلیتی ہیں جس سے چنے کی فی ایکڑ پیداوار میں کمی واقع ہوجاتی ہے۔

(جاری ہے)

ریتلے علاقوں میں جڑی بوٹیوں کی تلفی کیلئے ہاتھ سے چلنے والی رویٹری بھی استعمال کی جاسکتی ہے۔ ترجمان کے مطابق چنے کی فصل سے بھرپور پیداوار کے حصول کے لئے جڑی بوٹیوں کی تلفی، سنڈیوں اور کیڑوں پر کنٹرول انتہائی ضروری ہے۔ ترجمان نے بتایا کہ اگر فصل پر دیمک یا ٹوکے کا حملہ نظر آئے تو زرعی ماہرین کے مشورہ سے سفارش کردہ زہروں کا استعمال کریں۔ موسم میں تبدیلی کی وجہ سے امریکن سنڈی حملہ آور ہو سکتی ہے لہٰذا کاشتکار چنے کے کھیت کا باقاعدگی سے معائنہ کرتے رہیں اور حملہ کی صورت میں سفارش کردہ زہر کے سپرے سے بروقت تدارک کریں۔

Facebook Twitter Google + Share on Whatsapp

متعلقہ عنوان :

مزید تجارتی خبریں